മീനടത്തൂര് ഡയാലിസിസ് സെന്റര് ധനസമാഹരണത്തിന് ഈത്തപ്പഴ ചലഞ്ച് സംഘടിപ്പിക്കും
താനൂര്: സി.എച്ച്. ഫൗണ്ടേഷന്റെ കീഴില് ഫെബ്രുവരി 16ന് മീനടത്തൂരില് പ്രവര്ത്തനമാരംഭിക്കുന്ന ഡയാലിസിസ് സെന്ററിന്റെ ധനസമാഹരണത്തിനായി ഈത്തപ്പഴ ചലഞ്ച് നടത്തുമെന്ന് സംഘാടകര് വാര്ത്താ സമ്മേളനത്തില് പറഞ്ഞു. 2016 മുതല് മീനടത്തൂര് ആസ്ഥാനമായി പ്രവര്ത്തിക്കുന്ന സി.എച്ച്. ഫൗണ്ടേഷന്റെ കീഴില് ആരംഭിക്കുന്ന സെന്ററിന്റെ ഉദ്ഘാടനം ഫെബ്രുവരി 16ന് പാണക്കാട് സാദിഖലി ശിഹാബ് തങ്ങള് നിര്വഹിക്കും.
ചടങ്ങില് രാഷ്ര്ടീയ -സാമുഹ്യ -സാംസ്കാരിക ജീവകാരുണ്യ പ്രവര്ത്തന രംഗത്തെ പ്രമുഖര് പങ്കെടുക്കും. മീനടത്തൂര് ഗവ. ഹൈസ്കുളിന് എതിര് വശത്തായി പ്രവര്ത്തിക്കുന്ന ഡയാലിസിസ് സെന്ററില് തുടക്കത്തില് നാല് മെഷീനുകള് ഉണ്ടാവും. പൂര്ണ്ണമായി സൗജന്യമായിട്ടാണ് ഡയാലിസിസ് സേവനം. സെന്ററിന്റെ പ്രവര്ത്തന ഫണ്ട് സമാഹരണാര്ത്ഥം ജനുവരി, ഫെബ്രുവരി മാസങ്ങളിലായി നടത്തുന്ന ഇത്തപ്പഴ ചലഞ്ചില് പങ്കാളികളാവുന്നവര്ക്ക് 500 രൂപക്ക് ഒരു പാക്കറ്റ് ഈത്തപ്പഴം ലഭിക്കും. പ്രത്യേക തയ്ാറായക്കിയ ആപ്പ് വഴിയാണ് ചലഞ്ച് നടത്തുന്നത്. പദ്ധതിയുടെ ഉദ്ഘാടനം താനൂര് ബ്ലോക്ക് പഞ്ചായത്ത് അംഗം തോട്ടുങ്ങല് ഉസ്മാന് ഹാജിയില് നിന്നും ഫണ്ട് സ്വീകരിച്ച് പാണക്കാട് സാദിഖലി ശിഹാബ് തങ്ങള് നിര്വഹിച്ചു. ചടങ്ങില് ജില്ലാ പഞ്ചായത്ത് വൈസ് പ്രസിഡണ്ട് അഡ്വ. എ.പി. സ്മിജി, യൂത്ത് ലീഗ് സംസ്ഥാന പ്രസിഡണ്ട് പി.കെ. ഫിറോസ് പ്രസംഗിച്ചു. വാര്ത്താസമ്മേളനത്തില് കെ.എന്. മുത്തുക്കോയ തങ്ങള്, പി. അഷ്റഫ്, ഇ.പി. ബാവ ഹാജി, മുജീബ് താനാളൂര്, കുഞ്ഞു മീനടത്തൂര് പങ്കെടുത്തു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
