ചെറുവള്ളി എസ്റ്റേറ്റ് ഉടമസ്ഥാവകാശം; വിധി നാളെ
കോട്ടയം: ശബരിമല വിമാനത്താവള പദ്ധതി പ്രദേശമായ ചെറുവള്ളി എസ്റ്റേറ്റിന്റെ ഉടമസ്ഥാവകാശം സംബന്ധിച്ച കേസില് പാലാ സബ്കോടതി നാളെ വിധി പറയും.
പദ്ധതിക്കു കോടതി വിധി നിര്ണായകം. 2570 ഏക്കര് ഭൂമി വിമാനത്താവളത്തിന് ആവശ്യമില്ലെന്നുകാട്ടി അയന ട്രസ്റ്റ് ഹൈക്കോടതിയില് നല്കിയ മറ്റൊരു കേസില് ഭൂമി ഏറ്റെടുക്കല് വിജ്ഞാപനം റദ്ദാക്കിയിരുന്നു. ഇതോടെയാണു പാലാ സബ് കോടതി വിധി നിര്ണായകമാവുക. ഭൂമിസര്ക്കാരിന് അവകാശപ്പെട്ടതെന്നു വിധി വന്നാല് വിമാനത്താവള സ്ഥലമേറ്റെടുക്കല് നടപടികളുമായി സര്ക്കാരിനു മുന്നോട്ടുപോകാം.
വിധി എതിരാണെങ്കില് പദ്ധതി ചെറുവള്ളിയില് തന്നെ നടപ്പായെന്നു വരില്ല. ഹൈക്കോടതി വിധി അംഗീകരിച്ചു വിസ്തൃതികുറച്ചു ഭൂമി ഏറ്റെടുത്താല് പദ്ധതിയില് വലിയ മാറ്റം വരുത്തേണ്ടിവരും. 35 കി.മി നീളം വരുന്ന സംസ്ഥാനത്തെ ഏറ്റവും വലിയ റണ്വേ എന്ന ഉള്പ്പെടെ അടങ്ങിയ പദ്ധതി ചെറുതാക്കേണ്ടി വരും.
അപ്പീലുമായി പോയാലും വിമാനത്താവള നിര്മാണം ഈ സര്ക്കാരിന്റെ കാലത്ത് ആരംഭിക്കാനും കഴിയില്ല.2263 ഏക്കര് ചെറുവള്ളി എസേ്റ്ററ്റും 307 ഏക്കര് മറ്റു സ്വകാര്യ ഭൂമിയുമാണു വിമാനത്താവളത്തിനായി ഏറ്റെടുക്കാന് സര്ക്കാര് തീരുമാനിച്ചു നടപടികള് ആരംഭിച്ചത്. ഭാവി വികസനം കൂടി കണ്ടാണ് ഇത്രയും ഭൂമി ആവശ്യം വരുന്നതെന്നു വാദിച്ചെങ്കിലും കൃത്യമായ വിശദീകരണം നല്കാന് സര്ക്കാരിനു കഴിയാതെ വന്നതോടെയാണു വിജ്ഞാപനം ഹൈക്കോടതി റദ്ദാക്കി. ഇതോടെ പദ്ധതിയുടെ തുടര് നടപടികള് മരവിച്ച അവസ്ഥയാണ്.
അയന ട്രസ്റ്റ് കൈവശം വച്ചിരിക്കുന്ന 2570 ഏക്കര് ഭൂമിയുടെ പാട്ടക്കാലാവധി കഴിഞ്ഞതിനാല് സര്ക്കാരിന്റെ സ്വന്തമാണെന്നു കാട്ടി മുന് കോട്ടയം കലക്ടറാണു കോടതിയെ സമീപിച്ചത്. കേസില് വാദം കഴിഞ്ഞ ദിവസം പൂര്ത്തിയായിരുന്നു. സുപ്രീം കോടതി വരെയെത്തിയ കേസില് സിവില് കോടതിയെ സമീപിക്കാനായിരുന്നു നിര്ദ്ദേശം.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
