പുള്ളിമാന് വേട്ട; തോക്കും തിരകളും സഹിതം അഞ്ചുപേര് അറസ്റ്റില്
പുല്പ്പള്ളി: ചെതലത്ത് ഫോറസ്റ്റ് റേഞ്ചിലെ ഇരുളം സേ്റ്റഷന് പരിധിയില് ചീയമ്പം ചെറിയകുരിശ് ഭാഗത്ത് പുള്ളിമാനുകളെ വേട്ടയാടിയ കേസില് അഞ്ചു പേര് അറസ്റ്റില്. ചീങ്കല്ലേല് ജോസ് മാത്യു(50), പുറത്തോട്ട് സിബി(53), പുളിയംകുന്നേല് രജി(55), കണിയാംകുടി എല്ദോസ്(54), പാറക്കല് ജോസഫ് സെബാസ്റ്റ്യന്(52) എന്നിവരാണ് പിടിയിലായത്.
ഇരുളം ഡെപ്യൂട്ടി റേഞ്ച് ഫോറസ്റ്റ് ഓഫീസര് കെ.പി. അബ്ദുള്ഗഫൂര്, സെക്ഷന് ഫോറസ്റ്റ് ഓഫീസര് പി.വി. സുന്ദരേശന്, ബീറ്റ് ഫോറസ്റ്റ് ഓഫീസര്മരായ പി.എസ്. അജീഷ്, എം.എ.എസ്. സത്യന്, അഖില് അശോക്, ജിതിന് വിശ്വനാഥ്, സി.വി. രഞ്ജിത്ത് ഇ.ആര്. രാഹുല് എന്നിവരടങ്ങുന്ന സംഘമാണ് കഴിഞ്ഞ ദിവസം പ്രതികളെ കസ്റ്റഡിയിലെടുത്തത്. ഇവരില് നിന്നു രണ്ടു പുള്ളിമാനുകളുടെ ജഡം, തോക്ക്, തിരകള്, ഓമ്നി വാന് എന്നിവ പിടിച്ചെടുത്തു. ചെതലത്ത് ഫോറസ്റ്റ് റേഞ്ച് ഓഫീസര് എം.കെ. രാജീവ്കുമാറിന് ലഭിച്ച രഹസ്യവിവരമാണ് വേട്ടസംഘം പിടിയിലാകുന്നതിനു സഹായകമായത്.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
