സഹകരണ നിക്ഷേപയജ്ഞം ഉദ്ഘാടനംചെയ്തു പൊതുമേഖലാ ബാങ്കുകളേക്കാള് ഉയര്ന്ന പലിശയെന്ന് മന്ത്രി
കോട്ടയം: തദ്ദേശ സ്ഥാപനങ്ങളും സഹകരണ സ്ഥാപനങ്ങളും യോജിച്ച് പ്രവര്ത്തിക്കുന്ന വികസന വീക്ഷണമാണ് സര്ക്കാരിനുള്ളതെന്ന് മന്ത്രി വി.എന്. വാസവന് പറഞ്ഞു. സഹകരണ നിക്ഷേപയജ്ഞത്തിന്റെ സംസ്ഥാനതല ഉദ്ഘാടനം നിര്വഹിക്കുകയായിരുന്നു അദ്ദേഹം.
നിക്ഷേപ സമാഹരണത്തിനു മുന്നോടിയായി സഹകരണ മേഖലയിലെ പലിശ നിരക്ക് പുതുക്കി നിശ്ചയിച്ചു.
ഇപ്പോള് പൊതുമേഖലാ ബാങ്കുകളേക്കാള് ഉയര്ന്ന പലിശയാണ് സഹകരണ മേഖല നിക്ഷേപങ്ങള്ക്ക് നല്കുന്നത്. നാനൂറിലധികം ഉത്പന്നങ്ങള് കയറ്റുമതി ചെയ്യുന്ന നിലയിലേക്ക് കേരളത്തിലെ സഹകരണ മേഖല വളര്ന്നതായി അദ്ദേഹം ചൂണ്ടിക്കാട്ടി.
പാമ്പാടി പഞ്ചായത്ത് കമ്മ്യൂണിറ്റി ഹാളില് നടന്ന ചടങ്ങില് സംസ്ഥാന സഹകരണ യൂണിയന് ഡയറക്ടര് കെ.എം. രാധാകൃഷ്ണന് അധ്യക്ഷത വഹിച്ചു. നിക്ഷേപ സമാഹരണത്തിന്റെസോഷ്യല് മീഡിയ വീഡിയോ കാമ്പയിന് സഹകരണ വകുപ്പ് രജിസ്ട്രാര് ഡോ. ഡി. സജിത്ത് ബാബു ഉദ്ഘാടനം ചെയ്തു.
കേരളാ ബാങ്ക് ഡയറക്ടര് അഡ്വ. ജോസ് ടോം പോസ്റ്റര് പ്രകാശനം ചെയ്തു. എം. ജി. സര്വകലാശാലാ സിന്ഡിക്കേറ്റംഗം റെജി സഖറിയ, കാഞ്ഞിരപ്പള്ളി സര്ക്കിള് സഹകരണ യൂണിയന് ചെയര്മാന് അഡ്വ. സതീഷ് ചന്ദ്രന് നായര്, മീനച്ചില് സര്ക്കിള് സഹകരണ യൂണിയന് ചെയര്മാന് ജോണ്സണ് പുളിക്കീല്, ചങ്ങനാശേരി സര്ക്കിള് സഹകരണ യൂണിയന് ചെയര്മാന് ജെയിംസ് വര്ഗീസ്, പി.എ.സി.എസ് ജില്ലാ സെക്രട്ടറി കെ.ജെ. അനില്കുമാര്, അസിസ്റ്റന്റ് രജിസ്ടാര് എ.കെ. സജിനി കുമാരി എന്നിവര് പ്രസംഗിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
