കയര്ത്തൊഴിലാളി സംഘടനകള് സമരത്തിന്; 30ന് സൂചനാ പണിമുടക്ക്
ആലപ്പുഴ: സംസ്ഥാനത്ത് കയര്മേഖലയോടുള്ള കടുത്ത അവഗണനയില് പ്രതിഷേധിച്ച് ഐ.എന്.റ്റി.യു.സി, ബി.എം.എസ് തുടങ്ങിയ സംഘടനകളുമായി കൈകോര്ത്ത് എ.ഐ.റ്റി.യു.സി സമരരംഗത്തേക്ക്. സി.ഐ.ടി.യു ഒഴികെയുള്ള സംയുക്ത ട്രേഡ് യൂണിയനുകളുടെ നേതൃത്വത്തില് ഈ മാസം 30 ന് സൂചന പണിമുടക്കും ധര്ണയും സംഘടിപ്പിക്കാന് തീരുമാനമായി.
ചേര്ത്തല ഷിപ്പേഴ്സ് കൗണ്സില് ഓഫീസിന് മുന്നിലാണ് തൊഴിലാളികള് മാര്ച്ചും പ്രതിഷേധ ധര്ണയും നടത്തുന്നത്. വേതന വ്യവസ്ഥകള് പുതുക്കുക, തൊഴിലാളികളെ സ്ഥിരപ്പെടുത്തുക, ക്ഷേമനിധി കുടിശിക തീര്ക്കുക, കയര് മേഖലയില് ജോലി ചെയ്യുന്ന മുഴുവന് തൊഴിലാളികളെയും ഇ. എസ്.ഐ, പി.എഫ് സ്കീമില് ഉള്പ്പെടുത്തുക, കയര്ഫെഡും കയര് കോര്പറേഷനും സംഘങ്ങള്ക്കും ചെറുകിട ഉല്പാദകര്ക്കും നല്കാനുള്ള കുടിശിക അടിയന്തരമായി നല്കുക തുടങ്ങിയവയാണ് പ്രധാന ആവശ്യങ്ങള്.
പരമ്പരാഗത വ്യവസായമായ കയറിന്റെ സമഗ്ര വികസനത്തിന് 500 കോടി രൂപ അനുവദിക്ക ണമെന്നും ആവശ്യമുയര്ന്നു. സംയുക്ത സമരസമിതി ചെയര്മാന് എ.കെ രാജന്(ഐ.എന്.ടി.യു.സി) അധ്യക്ഷത വഹിച്ചു.
യോഗത്തില് ജനറല് കണ്വീനര് പി.വി സത്യനേശന് റിപ്പോര്ട്ട് അവതരിപ്പിച്ചു. എസ്.രാജേന്ദ്രന് (ഐ.എന്.ടി.യു.സി), ബിനീഷ് ബോയ്(ബി.എം.എസ്), സി.എസ് രമേശന് (യു.ടി.യു.സി), സലിം ബാബു, ഉദയഭാനു (ടി.യു.സി.ഐ), ഡി.പി മധു, എസ്.പ്രകാശന്, കെ.എല് ബെന്നി, കെ.എസ് വാസന്, കെ.പി പുഷ്കരന് (എ.ഐ.ടി.യു.സി) എന്നിവര് സംസാരിച്ചു. പ്രക്ഷോഭത്തിന്റെ ഭാഗമായി മുഖ്യമന്ത്രിക്ക് സംയുക്തമായി നിവേദനം നല്കാനും തീരുമാനിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
