പരിയാപുരം സെന്റ്‌ മേരീസ്‌ സ്‌കൂളില്‍ എസ്‌.എസ്‌.എല്‍.സി. വിജയഭേരി തുടങ്ങി

അങ്ങാടിപ്പുറം: പരിയാപുരം സെന്റ്‌ മേരീസ്‌ ഹയര്‍ സെക്കന്‍ഡറി സ്‌കൂളില്‍ പത്താം ക്ലാസ്‌ വിദ്യാര്‍ഥികള്‍ക്കായുള്ള പരീക്ഷാ മുന്നൊരുക്ക ക്യാമ്പുകള്‍ക്ക്‌ തുടക്കമായി. ഭവന സന്ദര്‍ശനവും ആരംഭിച്ചു.
എ പ്ലസ്‌ പ്രത്യേക പരിശീലന ക്ലാസ്സുകള്‍ ഇന്നു തുടങ്ങും. ടെസ്‌റ്റ് സീരീസ്‌ 19ന്‌ ആരംഭിക്കും. വിദ്യാര്‍ഥികള്‍ക്കും രക്ഷിതാക്കള്‍ക്കുമായി മോട്ടിവേഷന്‍ ക്യാമ്പ്‌ സംഘടിപ്പിച്ചു. വിജയഭേരി ജില്ലാ കോ-ഓര്‍ഡിനേറ്ററും സൈക്കോളജിസ്‌റ്റുമായ ടി. സലിം പേരാമ്പ്ര ക്ലാസ്‌ നയിച്ചു. പി.ടി.എ. പ്രസിഡന്റ്‌ സാജു ജോര്‍ജ്‌ ഉദ്‌ഘാടനം ചെയ്‌തു. പ്രധാനാധ്യാപകന്‍ പി.ടി. ബിജു, വിജയഭേരി സ്‌കൂള്‍ കോ-ഓര്‍ഡിനേറ്റര്‍ മനോജ്‌ വീട്ടുവേലിക്കുന്നേല്‍, കെ.എസ്‌. നിഹ ഫാത്തിമ, നിബിയ മരിയ വിജു, പി. ആര്‍ച്ച പ്രസംഗിച്ചു.