നൂറാം വാര്ഷികം; ഇന്റര് സ്കൂള് ഫുട്ബോള് ടൂര്ണ്ണമെന്റ് സംഘടിപ്പിച്ചു
മുക്കം: ഒരു നാടിനാകെ അക്ഷരവെളിച്ചം പകര്ന്നു നല്കി നൂറ് വര്ഷം പിന്നിടുന്ന പന്നിക്കോട് ജി.എല്.പി സ്കൂള് നൂറാം വാര്ഷികത്തോടനുബന്ധിച്ച് എല്.പി സ്കൂള് വിദ്യാര്ഥികള്ക്കായി ഇന്റര് സ്കൂള് സെവന്സ് ഫുട്ബോള് ടൂര്ണ്ണമെന്റ് സംഘടിപ്പിച്ചു. പരിസര പ്രദേശങ്ങളിലെ 8 സ്കൂളുകള് ടൂര്ണ്ണമെന്റില് പങ്കാളികളായി.
കാരാളി പറമ്പ ടര്ഫില് നടന്ന ടൂര്ണ്ണമെന്റിന്റെ ഉദ്ഘാടനം ഗ്രാമ പഞ്ചായത്തംഗം പി. കുട്ടി ഹസ്സന് ഉദ്ഘാടനം ചെയ്തു. പി.ടി.എ പ്രസിഡന്റ് സി. ഫസല് ബാബു അധ്യക്ഷത വഹിച്ചു. പ്രധാനാധ്യാപകന് ഉസൈന് ചോണാട്, എസ്.എം.സി ചെയര്മാന് പി.വി അബ്ദുല്ല, പി.ടി.എ വൈസ് പ്രസിഡന്റ് ഉണ്ണി കൊട്ടാരത്തില്, എം.പി.ടി.എ പ്രസിഡന്റ് മീന അപ്പു, ഹിഷാം നെല്ലിക്കാ പറമ്പ്, പൂര്വ വിദ്യാര്ഥി സംഘടന പ്രസിഡന്റ് ഹരിദാസന് പരപ്പില് വി. ചിത്ര തുടങ്ങിയവര് സംസാരിച്ചു. കലാശക്കളിയില് കക്കാട് ജി.എല്.പി സ്കൂളിനെ ഏകപക്ഷീയമായ ഒരു ഗോളിന് തോല്പ്പിച്ച് കൊടിയത്തൂര് ജി.എം.യു.പി സ്കൂള് ജേതാക്കളായി. വിജയികള്ക്ക് ഗ്രാമപഞ്ചായത്തംഗം സി. ഹരീഷ് സമ്മാനങ്ങള് വിതരണം ചെയ്തു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
