നെടുങ്കണ്ടം പഞ്ചായത്തിലെ ഫയലുകളും റെക്കോഡ് ബുക്കുകളും നശിച്ചു
നെടുങ്കണ്ടം: നെടുങ്കണ്ടം പഞ്ചായത്തിലെ ഫയലുകളും റെക്കോഡ് ബുക്കുകളും മുന് ഭരണസമിതി സംരക്ഷിക്കാത്തതിനെത്തുടര്ന്ന് നശിച്ചുപോയതായി ആക്ഷേപം. പഞ്ചായത്തിന് ഐ.എസ്.ഒ. സര്ട്ടിഫിക്കറ്റ് ലഭിക്കുന്നതിനായി 2015 - 20 ഭരണസമിതിയുടെ കാലത്ത് റെക്കോഡുകളും ഫയലുകളും നമ്പരിട്ട് പ്രത്യേക മുറിയില് ഫയല് റാക്കുകളില് സുരക്ഷിതമായി സൂക്ഷിച്ചിരുന്നു.
എന്നാല് കഴിഞ്ഞ ഭരണസമിതിയുടെ കാലത്ത് ഈ മുറിയില് ചോര്ച്ച ഉണ്ടായതോടെ ഇവ പഴയ ലൈബ്രറി ഹാളിലേക്ക് മാറ്റുകയായിരുന്നു. മതിയായ സംരക്ഷണം ഇല്ലാതെ വലിച്ചുവാരി ഇട്ട ഈ ഫയലുകളും റെക്കോഡുകളും വെള്ളം കയറിയും പൊടിപിടിച്ചും നശിക്കുകയായിരുന്നു. പലതും കയ്യിലെടുത്താല് പൊടിഞ്ഞ് താഴെ വീഴുന്ന അവസ്ഥയിലാണ്.
കഴിഞ്ഞ ഭരണ സമിതിയും ഉദ്യോഗസ്ഥരും ഈ ഫയലുകള് സംരക്ഷിക്കാന് യാതൊരു നടപടിയും സ്വീകരിച്ചില്ലെന്ന് വൈസ് പ്രസിഡന്റ് ശ്യാമള വിശ്വനാഥന് പറഞ്ഞു.
മുന് ഭരണ സമിതിയുടെ കെടുകാര്യസ്ഥത മൂലം ഡിജിറ്റലൈസേഷന് മുമ്പുള്ള ഒരു ഫയലും ഇനി വീണ്ടെടുക്കാന് കഴിയാത്ത വിധം നശിച്ചുപോയതായും ഇവര് ആരോപിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
