കടംകൊടുത്ത പണം തിരികെ ചോദിച്ച വിരോധത്താല് യുവാവിനെ കുത്തിക്കൊലപ്പെടുത്താന് ശ്രമം
ആലപ്പുഴ: കടം കൊടുത്ത പണം തിരികെ ചോദിച്ചതിലുള്ള വിരോധത്തെ തുടര്ന്നുണ്ടായ വാക്കുതര്ക്കത്തിനിടെ യുവാവിനെ കുത്തികൊലപ്പെടുത്താന് ശ്രമിച്ച കേസില് പ്രതിയെ മാരാരിക്കുളം പോലീസ് അറസ്റ്റ് ചെയ്തു.
മാരാരിക്കുളം വടക്ക് പഞ്ചായത്ത് രണ്ടാം വാര്ഡ് പുത്തന്തറ വീട്ടില് ആദര്ശ് ദിലീപ്(21) ആണ് അറസ്റ്റിലായത്. ജനുവരി ഒന്നിന് വൈകിട്ട് നാലിന് കണിച്ചുകുളങ്ങര അന്നപ്പുര ജങ്ഷന് സമീപമായിരുന്നു സംഭവം. കടം കൊടുത്ത പണം തിരകെ ചോദിച്ചതിനെ തുടര്ന്ന് വാക്കുതര്ക്കം ഉണ്ടാകുകയും പ്രതിയുടെ കൈവശം കരുതിയിരുന്ന കത്തികൊണ്ട് സുഹൃത്തിന്റെ മുതുകിനും വയര്ഭാഗത്തും കുത്തി കൊലപ്പെടുത്താന് ശ്രമിച്ചിക്കുകയും ചെയ്തെന്നാണ് കേസ്.
സംഭവശേഷം ഒളിവില്പോയ പ്രതിയെ തണ്ണീര്മുക്കത്തുനിന്നാണ് പോലീസ് അറസ്റ്റ് ചെയ്തത്.
മാരാരിക്കുളം സ്റ്റേഷന് ഇന്സ്പെക്ടര് മോഹിത്.പി.കെ, അസിസ്റ്റന്റ് പോലീസ് സബ്ബ് ഇന്സ്പെക്ടര് മജ്ഞുഷ, സിവില് പോലീസ് ഓഫീസര്മാരായ സുരേഷ്.ആര്.ഡി, വിനോദ്കുമാര്.ഡി എന്നിവര് ഉള്പ്പെട്ട സംഘമാണ് പ്രതിയെ അറസ്റ്റ് ചെയ്തത്.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
