കടാതി പള്ളിയില് വെടിക്കെട്ട് അപകടം : പെരുന്നാള് ആഘോഷങ്ങള് ഉപേക്ഷിച്ചു മരിച്ചയാളുടെ കുടുംബത്തിന് ധനസഹായം
മൂവാറ്റുപുഴ: കടാതി സെന്റ് പീറ്റേഴ്സ് ആന്ഡ് സെന്റ് പോള്സ് യാക്കോബായ പള്ളിയിലുണ്ടായ വെടിക്കെട്ട് അപകടത്തെത്തുടര്ന്ന് പള്ളിയിലെ പെരുന്നാള് ആഘോഷങ്ങള് പൂര്ണ്ണമായും നിര്ത്തിവെച്ചു.
അപകടത്തില് തൊഴിലാളിയായ രവി മരിക്കുകയും കരാറുകാരന് ജെയിംസിന് ഗുരുതരമായി പരിക്കേല്ക്കുകയും ചെയ്ത പശ്ചാത്തലത്തിലാണ് ഭരണസമിതിയുടെ അടിയന്തര തീരുമാനം.പെരുന്നാളിനോടനുബന്ധിച്ച് നിശ്ചയിച്ചിരുന്ന സ്നേഹസദ്യ, ചെണ്ടമേളം, ബാന്ഡ് സെറ്റ്, വര്ണ്ണാഭമായ ദീപാലങ്കാരങ്ങള് എന്നിവയെല്ലാം റദ്ദാക്കി. പള്ളിയില് പ്രാര്ത്ഥനാ ചടങ്ങുകള് മാത്രമായിരിക്കും നടക്കുകയെന്ന് ഭാരവാഹികള് അറിയിച്ചു. അപകടത്തില് മരിച്ച രവിയുടെ കുടുംബത്തിന് പള്ളി ഭരണസമിതി ഒരു ലക്ഷം രൂപ ധനസഹായം പ്രഖ്യാപിച്ചു. കൂടാതെ, കോലഞ്ചേരി മെഡിക്കല് മിഷന് ആശുപത്രിയില് ചികിത്സയില് കഴിയുന്ന ജെയിംസിന്റെ ചികിത്സാ ചെലവുകള് പൂര്ണ്ണമായും പള്ളി ഏറ്റെടുക്കും.ഇന്നലെ രാവിലെ കതിന നിറയ്ക്കുന്നതിനിടെയുണ്ടായ സ്ഫോടനമാണ് ദുരന്തത്തിന് കാരണമായത്.മരിച്ച രവിയുടെ മൃതദേഹം സംസ്കരിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
