പ്രതിഷേധ പ്രകടനവും ധര്‍ണയും

കല്‍പ്പറ്റ: മഹാത്മാഗാന്ധി ദേശീയ ഗ്രാമീണ തൊഴിലുറപ്പ്‌ പദ്ധതി അട്ടിമറിക്കാന്‍ കേന്ദ്രസര്‍ക്കാര്‍ നടത്തുന്ന ശ്രമത്തിനെതിരെയും പദ്ധതിക്ക്‌ രാഷ്ര്‌ടപിതാവ്‌ മഹാത്മാഗാന്ധിയുടെ പേര്‌ വെട്ടിമാറ്റിയ നടപടിയിലും പ്രതിഷേധിച്ചു. കെ.പി.സി.സിയുടെ ആഹ്വാനം പ്രകാരം കല്‍പ്പറ്റ മണ്ഡലം കോണ്‍ഗ്രസ്‌ കമ്മിറ്റിയുടെ നേതൃത്വത്തില്‍ പ്രതിഷേധ പ്രകടനവും പോസ്‌റ്റ് ഓഫിസിനുമുന്നില്‍ ധര്‍ണയും നടത്തി. കെ.പി.സി.സി അംഗം പി.പി ആലി ഉദ്‌ഘാടനം ചെയ്‌തു. മണ്ഡലം പ്രസിഡന്റ്‌ പി.കെ മുരളി അധ്യക്ഷത വഹിച്ചു. കെ.കെ രാജേന്ദ്രന്‍, സി.എ അരുണ്‍ദേവ്‌, ഹര്‍ഷല്‍ കോനാടന്‍, എം.ബി ശശികുമാര്‍, ആര്‍. രാജന്‍, രാജാറാണി, മുഹമ്മദ്‌ ബാവ, സി.കെ നിഷ, ബിന്ദു ജോസ്‌, അര്‍ജുന്‍ ദാസ്‌, ഡിന്റോ ജോസ്‌, കെ.ജി രവീന്ദ്രന്‍, കെ. രാജന്‍ മുണ്ടേരി, ഷബ്‌നാസ്‌ മുണ്ടേരി എന്നിവര്‍ നേതൃത്വം നല്‍കി.