കാറ്ററിംഗ്‌ സര്‍വീസിന്റെ വാഹനം നിയന്ത്രണം വിട്ടുമറിഞ്ഞ്‌ ഒരാള്‍ക്ക്‌ പരുക്കേറ്റു

വൈപ്പിന്‍: ഗുഡ്‌സ് ഓട്ടോറിക്ഷ നിയന്ത്രണം വിട്ട്‌ മറിഞ്ഞ്‌ വണ്ടിയില്‍ ഡ്രൈവറോടൊപ്പം ഉണ്ടായിരുന്ന ആള്‍ക്ക്‌ പരുക്കേറ്റു. പറവൂര്‍ ചിറ്റാറ്റകര തുണ്ടി പറമ്പില്‍ ബാബു(67 )വിനാണ്‌ പരുക്കേറ്റത്‌.
ഇയാളെ കുഴുപ്പിള്ളിയിലെസ്വകാര്യ ആശുപത്രിയില്‍ പ്രവേശിപ്പിച്ചു.ഇന്നലെ വൈകീട്ട്‌ 5 നാണ്‌ വൈപ്പിന്‍ -പള്ളിപ്പുറം സംസ്‌ഥാനപാതയില്‍ പള്ളത്താംകുളങ്ങര വടക്കേ വളവിലാണ്‌ അപകടമുണ്ടായത്‌. ഞാറക്കലില്‍ കാറ്ററിംഗ്‌ സര്‍വീസ്‌ കഴിഞ്ഞ്‌ തിരിച്ചു വരികയായിരുന്ന പറവൂര്‍ ചിറ്റാറ്റുകര ബെറ്റര്‍ കാറ്ററിംഗിന്റെ ഓട്ടോറിക്ഷയാണ്‌ അപകടത്തില്‍പ്പെട്ടത്‌. പ്ലേറ്റുകളും മറ്റു പാത്രങ്ങളും പൂര്‍ണ്ണമായി തകര്‍ന്നു.