സി.പി.എം ഓഫീസിന് തീയിട്ടു
പാനൂര്: സി.പി.ഐ.എം പാറാട് ബ്രാഞ്ച് ഓഫീസിന് തീയിട്ടു. തിങ്കള് പുലര്ച്ചെയോടെയാണ് പാറാട് ടൗണ് കല്ലിക്കണ്ടി റോഡിലുള്ള വാടക കെട്ടിടത്തില് ഒന്നാം നിലയില് പ്രവര്ത്തിക്കുന്ന പാറാട് ടൗണ് ബ്രാഞ്ച് ഓഫീസിന് തീയിട്ടത്. ആക്രമണത്തിന് പിന്നില് മുസ്ലിം ലീഗാണെന്ന് സി.പി.എം ആരോപിച്ചു.ജനലിലൂടെ പെട്രോള് ഉള്ളിലെക്കൊഴിച്ചു കത്തിക്കുകയായിരുന്നു. അകത്തുണ്ടായിരുന്ന പാര്ട്ടി പതാകകളും, പ്രചാരണ ബോര്ഡുകളും, ഫര്ണിച്ചറുകളും, പുസ്തകങ്ങളും, നേതാക്കന്മാരുടെ ഫോട്ടോയടക്കം കത്തി നശിച്ചു.നിരവധി വ്യാപര സ്ഥാപനങ്ങള് പ്രവര്ത്തിക്കുന്ന കെട്ടിടത്തിലെ ഓഫീസാണ് അക്രമിച്ചത്. തീ ആളിപ്പടരാതി രുന്നതിനാലാണ് വന് അപകടമാണ് വഴി മാറിയത്. കൊളവല്ലൂര് പൊലീസ് ഇന്സ്പെക്ടര് പി സാജുവിന്റെ നേതൃത്വത്തിലുള്ള പൊലീസ് സ്ഥലത്തെത്തി അന്വേഷണമാരംഭിച്ചു. സിപിഐ എം ജില്ലാ സെക്രട്ടറി കെ.കെ രാഗേഷ്, ജില്ലാ സെക്രട്ടറിയേറ്റംഗം പി. ഹരീന്ദ്രന്, ഏരിയ സെക്രട്ടറി കെ.ഇ കുഞ്ഞബ്ദുള്ള ഉള്പ്പെടെയുള്ള നേതാക്കള് ഓഫീസ് സന്ദര്ശിച്ചു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
