ബോധവല്ക്കരണ ക്ലാസ്
ചെറുതോണി: വനിത ശിശു വികസന വകുപ്പിന്റെ കീഴിലുള്ള സഖി വണ് സ്റ്റോപ്പ് സെന്ററിന്റെ ആഭിമുഖ്യത്തില് മുരിക്കാശേരി പതിനാറാംകണ്ടം ഗവ. ഹയര്സെക്ക ന്ഡറി സ്കൂളിലെ വിദ്യാര്ഥികള്ക്കായി, സ്ത്രീകള്ക്കെതിരായ അതിക്രമങ്ങള്ക്കും ലിംഗവിവേചനങ്ങള്ക്കുമെതിരെ ഓറഞ്ച് ദ വേള്ഡ് ക്യാമ്പയിന്റെ ഭാഗമായി ഇടുക്കി വനിതാ സെല്ലിലെ അസിസ്റ്റന്റ് സബ് ഇന്സ്പെക്ടര് പ്രിയ മധുസൂദനന് ബോധവല്ക്കരണ ക്ലാസ് നയിച്ചു. സഖി വണ് സ്റ്റോപ്പ് സെന്ററിലെ അസിസ്റ്റന്റ് സബ് ഇന്സ്പെക്ടര് പ്രീതി, അഡ്മിനിസ്ട്രേറ്റര് ടീന എന്നിവര് പങ്കെടുത്തു. സഖി വണ് സ്റ്റോപ്പ് സെന്റര് എന്നത് ഗാര്ഹിക പീഡനം, ലൈംഗികാതിക്രമം, മറ്റ് അതിക്രമങ്ങള് നേരിടുന്ന സ്ത്രീകള്ക്കും 18 വയസ്സില് താഴെയുള്ള പെണ്കുട്ടികള്ക്കും വേണ്ടി 24 മണിക്കൂവും പ്രവര്ത്തിക്കുന്ന, സര്ക്കാര് സഹായത്തോടെയുള്ള ഒരു സ്ഥാപനമാണ്.
അവര്ക്ക് വൈദ്യസഹായം, നിയമസഹായം, കൗണ്സിലിംഗ്, താല്ക്കാലിക താമസം, പോലീസ് സഹായം തുടങ്ങിയ സേവനങ്ങള് ഒരിടത്തുനിന്ന് നല്കുന്നു. അതിക്രമങ്ങള്ക്കെതിരെ സ്ത്രീകള്ക്ക് സുരക്ഷയും സഹായവും ഉറപ്പുവരുത്തുക എന്നതാണ് പ്രധാന ലക്ഷ്യം.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
