ടാര്‍ മിശ്രിതവുമായി വന്ന ടിപ്പര്‍ ലോറി മറിഞ്ഞു

പൊന്‍കുന്നം: ടാര്‍ മിശ്രിതവുമായി വന്ന ടിപ്പര്‍ ലോറി റോഡരികിലെ തിട്ടയിലിടിച്ചു നിയന്ത്രണം വിട്ട്‌ മറിഞ്ഞു. പൊന്‍കുന്നം- പുനലൂര്‍ ഹൈവേയില്‍ മഞ്ഞപ്പള്ളിക്കുന്നില്‍ വ്യാഴാഴ്‌ച രാത്രി 11-നായിരുന്നു അപകടം. ഡ്രൈവര്‍ ചെറിയ പരിക്കുകളോടെ രക്ഷപ്പെട്ടു.
ടാറും ചെറിയ മെറ്റലും റോഡിലാകെ പരന്നു. കാഞ്ഞിരപ്പള്ളിയില്‍ നിന്നെത്തിയ ഫയര്‍ഫോഴ്‌സ് യൂണിറ്റും നിയുക്‌ത പഞ്ചായത്തംഗം ഗൗതം ബാലചന്ദ്രന്റെ നേതൃത്വത്തില്‍ പ്രദേശവാസികളുടെയും നേതൃത്വത്തില്‍ ജെസിബി ഉപയോഗിച്ചു റോഡില്‍നിന്നു ടാര്‍ നീക്കം ചെയ്‌തു.