ഇടുക്കി ആര്‍.ടി.ഒയിലെ ഡ്രൈവിങ്‌ ടെസ്‌റ്റുകള്‍ ഇനി കട്ടപ്പനയില്‍

കട്ടപ്പന: സംസ്‌ഥാന ഗതാഗത കമ്മീഷ്‌ണറുടെ ഉത്തരവുപ്രകാരം ഇടുക്കി ആര്‍.ടി ഓഫീസിന്‌ കീഴില്‍ വരുന്ന ഡ്രൈവിങ്‌ ടെസ്‌റ്റുകള്‍ കട്ടപ്പന മിംഡാറ്റ്‌ എന്ന ടെസ്‌റ്റിങ്‌ ഗ്രൗണ്ടിലേക്ക്‌ മാറ്റാന്‍ തീരുമാനിച്ചു. വ്യാഴാഴ്‌ച മുതല്‍ ഡ്രൈവിങ്‌ ടെസ്‌റ്റുകള്‍ കട്ടപ്പന കൊച്ചുതോവാളയില്‍ സ്‌ഥിതിചെയ്യുന്ന മിംഡാറ്റ്‌ ടെസ്‌റ്റിങ്‌ ഗ്രൗണ്ടില്‍ വച്ചായിരിക്കും നടത്തപ്പെടുക എന്ന്‌ ഇടുക്കി ആര്‍.ടി.ഒ. പി.എം. ഷെബീര്‍ അറിയിച്ചു.