മാവേലിക്കര ജില്ലാ ആശുപത്രിയില് ചികിത്സ നിഷേധിച്ചതായി പരാതി
മാവേലിക്കര: ജില്ലാ ആശുപത്രിയില് യുവാവിന് ചികിത്സ നിഷേധിച്ചതായി പരാതി. മാവേലിക്കര താമരക്കുളം ശാന്തി ഭവനില് സുഭാഷ്(47) ആണ് പരാതിക്കാരന്. ശസ്ത്രക്രിയ വിഭാഗത്തിലെ ഡോ. ബിന്ദുവിനെതിരെയാണ് ഇയാള് ആശുപത്രി സൂപ്രണ്ട് ഉള്പ്പടെയുള്ളവര്ക്ക് പരാതി നല്കിയത്.
കാലിലെ മുറിവ് സംബന്ധിച്ച പരിശോധനയ്ക്കായി ശസ്ത്രക്രിയ ഒ.പിയില് എത്തിയതായിരുന്നു സുഭാഷ്. ടോക്കണ് നമ്പര് വിളിച്ചതില് പ്രകാരം ഭാര്യയുടെ സഹായത്തോടെ പരിശോധന മുറിയിലേക്ക് എത്തി. ഈ സമയം മറ്റൊരു സ്ത്രീ ഇവരെ കടന്ന് ഡോക്ടറിന് സമീപമുള്ള സ്റ്റൂളില് ഇരുന്നു. തനിക്ക് അധികസമയം നില്ക്കാനാകില്ലെന്നും തന്റെ ടോക്കണ് നമ്പരാണ് വിളിച്ചതെന്നും സുഭാഷ് പറഞ്ഞു. ഇതേത്തുടര്ന്ന് ഡോക്ടര് പരിശോധന മുറിയില്നിന്നു ഇറങ്ങിപോകുകയായിരുന്നു. കാരണമറിയാതെ പരിശോധനാ മുറിയില് കാത്തിരുന്ന സുഭാഷിനോടും ഭാര്യയോടുമായി 45 മിനിറ്റിനുശേഷം എത്തിയ ഡോക്ടര് ഇയാള് പുറത്ത് പോയില്ലെങ്കില് താന് ആരേയും പരിശോധിക്കില്ലായെന്ന് പറഞ്ഞശേഷം വീണ്ടും അവിടെനിന്നുപോയി എന്നാണ് സുഭാഷ് കൊടുത്ത പരാതിയില് പറയുന്നത്.
ഹൃദയ സംബന്ധമായ രോഗവും വൃക്ക മാറ്റിവച്ച ആളുമാണ് സുഭാഷ്. സംഭവത്തില് അന്വേഷണം നടത്തി നടപടി സ്വീകരിക്കുമെന്ന് ജില്ലാ ആശുപത്രി സൂപ്രണ്ട് ഡോ. കെ.എ. ജിതേഷ് സുഭാഷിനെ അറിയിച്ചു. കൂടാതെ സുഭാഷിന് വേണ്ട മരുന്നുകളും അദ്ദേഹം നല്കി.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
