സത്യപ്രതിജ്ഞ 21 ന് , അധ്യക്ഷ തെരഞ്ഞെടുപ്പ് 26നും 27 നും
പത്തനംതിട്ട: തദ്ദേശ സ്ഥാപന അധ്യക്ഷന്മാരുടെ തെരഞ്ഞെടുപ്പ് പ്രഖ്യാപിച്ചു.ഇതനുസരിച്ചു് മുന്സിപ്പല് കൗണ്സിലുകളിലേക്കുളള ചെയര്പേഴ്സണ് തിരഞ്ഞെടുപ്പ് 26 ന് രാവിലെ 10.30നും ഡെപ്യൂട്ടി ചെയര്പേഴ്സണ് തെരഞ്ഞെടുപ്പ് ഉച്ചയ്ക്ക് ശേഷം 2.30നും നടക്കും. ഗ്രാമ- ബ്ലോക്ക്- ജില്ലാ പഞ്ചായത്ത് എന്നിവയിലെ പ്രസിഡന്റ് തിരഞ്ഞെടുപ്പ് 27ന് രാവിലെ 10.30നും വൈസ് പ്രസിഡന്റ് തിരഞ്ഞെടുപ്പ് ഉച്ചയ്ക്ക്ശേഷം 2.30നുമാണ്. ജില്ലാ കലക്ടറാണ് ജില്ലാ പഞ്ചായത്ത് വരണാധികാരി. ഗ്രാമപഞ്ചായത്തിലും ബ്ലോക്ക് പഞ്ചായത്തിലും അതത് സ്ഥാപനങ്ങളിലെ വരണാധികാരികള്ക്കാണ് ചുമതല. മുനിസിപ്പാലിറ്റികളില് ഇതിനായി വരണാധികാരികളെ പ്രത്യേകം ചുമതലപ്പെടുത്തിയിട്ടുണ്ട്. തിരഞ്ഞെടുപ്പ് യോഗത്തിന്റെ ക്വാറം ബന്ധപ്പെട്ട സ്ഥാപനത്തിലെ അംഗങ്ങളുടെ പകുതിയെങ്കിലും എണ്ണം ആയിരിക്കും. ക്വാറം തികയാത്ത പക്ഷം യോഗം അടുത്ത പ്രവൃത്തി ദിവസത്തേക്ക് മാറ്റും.
അപ്രകാരം മാറ്റിയ ദിവസം അതേ സ്ഥലത്തും സമയത്തും കൂടുന്ന യോഗത്തില് ക്വാറമില്ലെങ്കിലും തിരഞ്ഞെടുപ്പ് നടത്തും. രണ്ട് സ്ഥാനാര്ഥികള് മാത്രമുള്ളപ്പോള് കൂടുതല് സാധുവായ വോട്ടുകള് നേടിയ ആള് തിരഞ്ഞെടുക്കപ്പെട്ടതായി പ്രഖ്യാപിക്കും. രണ്ടു പേര്ക്കും തുല്യ വോട്ടാണെങ്കില് നറുക്കെടുപ്പ് നടത്തും. രണ്ടിലധികം പേര് മത്സരിക്കുമ്പോള് വോട്ടെടുപ്പില് ഒരു സ്ഥാനാര്ത്ഥിക്ക് മറ്റ് എല്ലാ സ്ഥാനാര്ഥികള്ക്കും കൂടി കിട്ടിയ ആകെ സാധുവായ വോട്ടിനെക്കാള് കൂടുതല് ലഭിച്ചാല് അയാള് തിരഞ്ഞെടുക്കപ്പെടും. അപ്രകാരം ഒരു സ്ഥാനാര്ഥിക്കും വോട്ട് ലഭിക്കാതിരുന്നാല് ഏറ്റവും കുറച്ച് വോട്ട് ലഭിച്ച സ്ഥാനാര്ഥിയെ ഒഴിവാക്കി വീണ്ടും വോട്ടെടുപ്പ് നടത്തും. മൂന്നോ അതിലധികമോ സ്ഥാനാര്ഥികള് ഉണ്ടായിരിക്കുകയും അതില് ഏറ്റവും കുറവ് വോട്ട് രണ്ടോ അതിലധികമോ പേര്ക്ക് തുല്യമായി ലഭിക്കുകയും ചെയ്താല് നറുക്കെടുപ്പ് നടത്തി നറുക്കെടുക്കപ്പെടുന്ന ആളിനെ ഒഴിവാക്കി തിരഞ്ഞെടുപ്പ് തുടരും മൂന്നോ അതിലധികമോ സ്ഥാനാര്ഥികള്ക്ക് തുല്യവോട്ട് ലഭിക്കുന്നുവെങ്കില് ഇതേ രീതിയില് ഒരാളെ നറുക്കെടുപ്പിലൂടെ ഒഴിവാക്കി വോട്ടെടുപ്പ് തുടരും. സത്യപ്രതിജ്ഞയോ ദൃഢപ്രതിജ്ഞയോ ചെയ്ത് സ്ഥാനം ഏറ്റെടുക്കാത്ത അംഗങ്ങള്ക്ക്/കൗണ്സിലര്മാര്ക്ക് യോഗ നടപടികളില് പങ്കെടുക്കുവാനോ വോട്ടു ചെയ്യുവാനോ അവകാശമില്ല. സംവരണം ചെയ്തിട്ടുള്ള അധ്യക്ഷ, ഉപാധ്യക്ഷ സ്ഥാനങ്ങളിലേക്ക് അതത് വിഭാഗം അംഗങ്ങളായിരിക്കണം തിരഞ്ഞെടുക്കപ്പെടേണ്ടത്. സംവരണമുള്ളയിടങ്ങളില് സ്ഥാനാര്ഥികള് ജാതി സര്ട്ടിഫിക്കറ്റ് വരണാധികാരി മുമ്പാകെ ഹാജരാക്കണം. വോട്ടെടുപ്പ് പൂര്ത്തിയായതിന് ശേഷം വരണാധികാരി അംഗങ്ങളുടെ/ കൗണ്സിലര്മാരുടെ സാന്നിധ്യത്തില് വോട്ടുകള് എണ്ണി ഫലപ്രഖ്യാപനം നടത്തും. തിരഞ്ഞെടുപ്പ് ഫലം പ്രഖ്യാപിച്ചു കഴിഞ്ഞാല് ചെയര്പേഴ്സണ്, പ്രസിഡന്റ് എന്നിവര് വരണാധികാരി മുമ്പാകെ സത്യപ്രതിജ്ഞ ചെയ്യും. വൈസ് ചെയര്മാന് ചെയര്മാന് മുമ്പാകെയും, വൈസ് പ്രസിഡന്റ് പ്രസിഡന്റ് മുമ്പാകെയും സത്യപ്രതിജ്ഞ ചെയ്യും.ന്ഥ
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
