ഹസന് റാവുത്തറുടെയും പാപ്പമ്മാളുടെയും ഓര്മ്മകളില് വീണ്ടും മൂന്നാര്
മൂന്നാര്: 1958ലെ വെടിവെയ്പ്പില് മരിച്ച ഹസന് റാവുത്തറുടെയും പാപ്പമ്മാളുടെയും ഓര്മ്മകളില് വീണ്ടും മൂന്നാര്. 1958ല് മൂന്നാറില് നടന്ന തോട്ടം തൊഴിലാളി സമരത്തെ തുടര്ന്നുള്ള പോലീസ് വെടിവെയ്പ്പിലാണ് രണ്ടുപേര് മരിച്ചത്. മൂന്നാറിലെ തോട്ടം തൊഴിലാളികളുടെ ആദ്യകാല കുടിയേറ്റം പശ്ചാത്തലമാക്കി എസ്. പുഷ്പമ്മ രചിച്ച മുടി എന്ന നോവലിന്റെ പ്രകാശന ചടങ്ങില് ആദ്യ കോപ്പി ഏറ്റുവാങ്ങാന് ഹസന് റാവുത്തരുടെ പൗത്രന് മീരാന് മൊയ്തീന് എത്തിയതാണ് 1958ലെ സമരവും വെടിവെയ്പും ചര്ച്ചയാകാന് കാരണം. മൂന്നാര് ശിക്ഷക് സദനില് നടന്ന ചടങ്ങില് ദേവികുളം സബ് കലക്ടര് വി.എം ആര്യ പുസ്തകം പ്രകാശനം ചെയ്തു. മൂന്നാര് ജി.വി.എച്ച്.എസ്.എസ് ഹെഡ്മിസ്ട്രസ് ഡോ. എസ് ജയലക്ഷ്മി അധ്യക്ഷത വഹിച്ചു. എസ്. ജ്യോതിസ് പുസ്തകം പരിചയപ്പെടുത്തി. കവി അശോകന് മറയൂര്, മൂന്നാര് എ.ഇ.ഒ: സി ശരവണന്, പി.എസ്. ബോസ് പാണ്ഡ്യന്, എച്ച്.ആര്.എം.എ സെക്രട്ടറി ലിജി ഐസക്, ആര്. മോഹന് എന്നിവര് പ്രസംഗിച്ചു. എം.ജെ ബാബു സ്വാഗതവും അഞ്ജിത എസ്. നായര് നന്ദിയും പറഞ്ഞു.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
