പരാജയപ്പെട്ട എല്.ഡി.എഫ്. സ്ഥാനാര്ഥിയുടെ നേതൃത്വത്തില് മുന് നഗരസഭാ കൗണ്സിലറെ ആക്രമിച്ചു
ചെങ്ങന്നൂര്: പരാജയപ്പെട്ട എല്.ഡി.എഫ്. സ്ഥാനാര്ഥിയുടെ നേതൃത്വത്തില് തെരഞ്ഞെടുപ്പ് പ്രവര്ത്തനങ്ങള്ക്ക് നേതൃത്വം നല്കിയ മുന് യു.ഡി.എഫ് നഗരസഭാ കൗണ്സിലറെ അക്രമിച്ചു.
പുത്തന്കാവ് കാര്ത്തികപ്പള്ളി പീടികയില് ജോസ്.കെ ജോര്ജിനെയാണ് എല്.ഡി.എഫ് സ്ഥാനാര്ഥിയുടെ നേതൃത്വത്തിലുള്ള നാലംഗ സംഘം ആക്രമിച്ചു പരുക്കേല്പ്പിച്ചത്. ഞായറാഴ്ച രാത്രി ഏഴു മണിയോടെ പുത്തന്കാവ് പള്ളിപ്പടി ജംഗ്ഷനിലായിരുന്നു സംഭവം. കാറിലെത്തിയ നാലംഗ സംഘം നാട്ടുകാരുടെ മുന്പില് വെച്ചായിരുന്നു ജോസ് കെ. ജോര്ജിനെ ആക്രമിച്ചത്.
പരുക്കേറ്റ ജോസിനെ ആദ്യം ജില്ലാ ആശുപത്രിയിലും പിന്നീട് സ്വകാര്യ ആശുപത്രിയിലേക്കും മാറ്റി. പോലീസ് മേല് നടപടികള് സ്വീകരിച്ചു. ജോസ് കെ. ജോര്ജ് കോണ്ഗ്രസ് ബ്ലോക്ക് ജനറല് സെകട്ടറിയും യു.ഡി.എഫ്. ചെങ്ങന്നൂര് നഗരസഭ തെരഞ്ഞെടുപ്പു കമ്മിറ്റി ചെയര്മാനുമാണ്. സംഭവത്തില് പ്രതിഷേധിച്ച് കോണ്ഗ്രസ്സ് ബ്ലോക്ക് കമ്മിറ്റിയുടെ നേതൃത്വത്തില് പ്രകടനവും പ്രതിഷേധ യോഗവും സംഘടിപ്പിക്കും.
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
