ഇത്‌ കുടുംബ വിജയം; ഒരേ വീട്ടില്‍നിന്ന്‌ മൂന്നുപേര്‍

പാലാ: പാലാ തെക്കേക്കരയിലെ തേരോട്ടം ഒരുകുടുംബത്തിന്റെ വിജയംകൂടിയായി മാറി.പുളിക്കകണ്ടത്തിലെ അഡ്വ. ബിനുവും മകള്‍ ദിയയും ചേട്ടന്‍ ബിജുവും ഉജ്‌ജ്വല വിജയം നേടിയതോടെ ഈ കുടുംബ വിജയത്തിന്‌ തിളക്കമേറി.
നഗരഭരണം നിയന്ത്രിക്കുന്നതും ഇനി ഈ മൂവര്‍ സംഘമായിരിക്കുമെന്നതും വ്യക്‌തം.മൂവരില്‍ ഏറ്റവും കൂടുതല്‍ വോട്ട്‌ ലഭിച്ചത്‌. അഡ്വ.ബിനു പുളിക്കകണ്ടത്തിലിന്‌ തന്നെ. 286 വോട്ട്‌.മകള്‍ ദിയയ്‌ക്ക് 279 വോട്ടും ചേട്ടന്‍ ബിജുവിന്‌ 246 വോട്ടും ലഭിച്ചു.