നടിയെ ആക്രമിച്ച കേസ്: സര്ക്കാരിന്റെ അപ്പീല് വൈകും; വിധിപ്പകര്പ്പിന്റെ വിശദപരിശോധനയ്ക്കും നിയമോപദേശം തേടിയതിനും ശേഷം മാത്രം
കൊച്ചി: നടിയെ ആക്രമിച്ചകേസില് നടന് ദിലീപിനെ കുറ്റവിമുക്തനാക്കിയ വിചാരണക്കോടതി വിധിക്കെതിരേ ഹൈക്കോടതിയില് സര്ക്കാര് അപ്പീല് നല്കുന്നതു വൈകും. തിരിച്ചടിയുണ്ടാകാതിരിക്കാന് വിധിപ്പകര്പ്പിന്റെ വിശദപരിശോധനയ്ക്കും വിവിധതലത്തില് നിയമോപദേശം തേടിയതിനും ശേഷമാകും അപ്പീല് സമര്പ്പിക്കുക. അടുത്തമാസം പകുതിയോടെ അപ്പീല് നല്കാനാകുമെന്നു പ്രതീക്ഷിക്കുന്നതായും സര്ക്കാര് നിയമവൃത്തങ്ങള് വ്യക്തമാക്കി.
കേസില് കഴിഞ്ഞ എട്ടിനാണ് എറണാകുളം പ്രിന്സിപ്പല് സെഷന്സ് കോടതി വിധി പ്രസ്താവിച്ചത്. തെളിവുകള് നല്കുന്നതില് പ്രോസിക്യൂഷന് പരാജയപ്പെട്ടെന്നു നിരീക്ഷിച്ചാണ് എട്ടാം പ്രതിയായ ദിലീപിനെ വിചാരണക്കോടതി കുറ്റമുക്തനാക്കിയത്. ഒന്നുമുതല് ആറുവരെ പ്രതികളെ ശിക്ഷിച്ചെങ്കിലും ശിക്ഷ കുറഞ്ഞുപോയെന്നാണ് അതിജീവിതയെ അനുകൂലിക്കുന്നവരുടെ വാദം. വിധി തൃപ്തികരമല്ലെന്നും അപ്പീല് പോകുമെന്നും സര്ക്കാരും വ്യക്തമാക്കിയിരുന്നു. ഇതിന്റെ അടിസ്ഥാനത്തില് അടുത്തയാഴ്ച അപ്പീല് നല്കാനായിരുന്നു സര്ക്കാര് നിര്ദേശം. എന്നാല്, ധൃതഗതിയില് ഇതിനു മുതിരേണ്ടെന്നാണു നിയമവിദഗ്ധരുടെ ഉപദേശം.
ജെബി പോള്
YOU MAY BE INTERESTED
LATEST NEWS
- ഇറാൻ യുദ്ധം: കാത്തിരിക്കുന്നത് കൊടും പട്ടിണിയുടെ ദിനങ്ങളെന്ന് ഡബ്ല്യുഎഫ്പി
- അലുവ അതുലിനെ കൊലപ്പെടുത്തിയ സംഘത്തിന് ഭീഷണി; മുന്നറിയിപ്പ് നൽകി സ്പെഷ്യൽ ബ്രാഞ്ച്
- കെ സുധാകരൻ ഫ്ലാറ്റിൽ തന്നെ തുടരുന്ന, ; ഡൽഹയിൽ സുധാകരൻ – രാഘവൻ കൂടിക്കാഴ്ച അവസാനിച്ചു
- ജനവിധി തേടി ജന്മനാട്ടിലേക്ക്; പാലക്കാട്ട് രമേശ് പിഷാരടി കോണ്ഗ്രസ് സ്ഥാനാര്ഥി
- കേരള കോൺഗ്രസ് ജോസഫില് തലമുറ മാറ്റം; പി.ജെ ജോസഫ് ന്പകരം മകന് അപു ജോൺ ജോസഫ് ; 8 സ്ഥാനാർഥികളെ പ്രഖ്യാപിച്ചു, 5 പുതുമുഖങ്ങൾ
