പ്ലാസ്റ്റിക് സര്‍ജറി ചെയ്‌തോ? ഈ മാറ്റത്തിന് പിന്നിലെ കാരണം വെളിപ്പെടുത്തി റോഷന്‍

photo-www.instagram.com/roshan_rb/

വെള്ളാരം കണ്ണുള്ള വില്ലന്‍ അതാണ് റോഷന് മലയാള സിനിമ നല്‍കിയ വിശേഷണം. റോഷന്‍ ബഷീര്‍ എന്ന പേരിനെക്കാള്‍ മലയാളികള്‍ ഈ മുഖം കാണുമ്പോള്‍ ഓര്‍ക്കുന്നത് വരുണ്‍ പ്രഭാകര്‍ എന്ന കഥാപാത്രത്തെയാണ്. അതെ ദൃശ്യം എന്ന സിനിമയില്‍ വളരെ ചുരുങ്ങിയ രംഗങ്ങളില്‍ മാത്രമേ റോഷന്‍ അഭിനയിച്ചിട്ടുള്ളൂ, പക്ഷേ ദൃശ്യത്തിന്റെ കഥ മുന്നോട്ട് പോകുന്നത് തന്നെ വരുണ്‍ എന്ന ഒറ്റ കഥാപാത്രത്തെ ബെയിസ് ചെയ്താണ്.

ദൃശ്യം എന്ന സിനിമയില്‍ കണ്ട റോഷനേ അല്ല ഇപ്പോള്‍. ആകെ മൊത്തം മാറി. പ്രായത്തിന്റേതായ മാറ്റങ്ങള്‍ മാത്രമല്ല, ആകെ മൊത്തം ലുക്കിലും അപ്പിയറന്‍സിലും എല്ലാം മാറ്റം. ശരീരം കൂടുതല്‍ ഫിറ്റ് ആയി, താടി വച്ച ലുക്കും സ്റ്റൈലിഷ്, അറ്റിയിറ്റിയൂഡ് ഭാവവും ഏറെ ആകര്‍ഷണീയമാണ്. ഈ മാറ്റത്തിന് കാരണം എന്താണ് എന്ന് വെളിപ്പെടുത്തിയാണ് വരുണിന്റെ പുതിയ പോസ്റ്റ്.

പ്ലാസ്റ്റിക് സര്‍ജറി ചെയ്തതല്ല, പക്ഷേ ജിമ്മില്‍ വര്‍ക്കൗട്ട് ചെയ്യുന്നത് ഒരു വിധത്തില്‍ പ്ലാസിറ്റിക് സര്‍ജറി പോലെ തന്നെയാണ് എന്നാണ് റോഷന്‍ പറയുന്നത്. 'വര്‍ക്കൗട്ട് ചെയ്യുന്നത് ഓരോ മിനിട്ടും ഞാന്‍ വെറുത്തിരുന്നു, പക്ഷേ വിട്ടുകൊടുക്കില്ല എന്ന് ഞാന്‍ സ്വയം പറഞ്ഞു' എന്ന ക്യാപ്ഷനോടെയാണ് തന്റെ മാറ്റത്തിന്റെ വീഡിയോ റോഷന്‍ പങ്കുവച്ചത്. ഡോണ്ട് ക്വിറ്റ്, മോട്ടോവേഷന്‍, ട്രാന്‍സ്ഫര്‍മേഷന്‍ എന്നൊക്കെയാണ് ഹാഷ് ടാഗുകള്‍.

പ്ലസ് ടു എന്ന ചിത്രത്തില്‍ നായികനായി അഭിനമയ ലോകത്തേക്ക് എത്തിയതാണ് റോഷന്‍ ബഷീര്‍. ആദ്യ ചിത്രത്തിലൂടെ തന്നെ പ്രേക്ഷക ശ്രദ്ധ നേടി. എന്നാല്‍ ബ്രേക്ക് നല്‍കിയത് ദൃശ്യം തന്നെയാണ്. ദൃശ്യത്തിന്റെ തെലുങ്ക് തമിഴ് വേര്‍ഷനിലും വരുണ്‍ പ്രഭാകര്‍ എന്ന കഥാപാത്രത്തെ ചെയ്തത് റോഷന്‍ തന്നെയാണ്. അതിന് ശേഷം തമിഴിലും തെലുങ്കിലും ഒരുപാട് അവസരങ്ങള്‍ ലഭിച്ചുവെങ്കിലും ദൃശ്യം സെറ്റ് ചെയ്ത ബ്രേക്ക് മറികടക്കാന്‍ കഴിഞ്ഞിരുന്നില്ല. റെയ്ച്ചല്‍ എന്ന മലയാള സിനിമയാണ് ഇനി പുറത്തിറങ്ങാനിരിയ്ക്കുന്ന റോഷന്‍ ബഷീര്‍ ചിത്രം.