സ്ത്രീകള് സംവരണ സീറ്റിൽ നിർത്താൻ മാത്രം , ലീഗിൽ പ്രാപ്തരായ ആണുങ്ങൾ ഉണ്ടല്ലോ ; ജനറൽ സീറ്റിൽ സ്ത്രീകളെ പരിഗണിക്കുന്നതിനെതിരെ സമസ്ത
മലപ്പുറം: ജനറല് സീറ്റില് മുസ്ലിം ലീഗിലെ സ്ത്രീകളെ പരിഗണിക്കുന്നതില് എതിര്പ്പുമായി സമസ്ത. ജനറല് സീറ്റില് സ്ത്രീകളെ മത്സരിപ്പിക്കുന്നതിനോട് സമസ്തയ്ക്ക് യോജിപ്പില്ലെന്ന് മുശാവറ അംഗം ഉമര്ഫൈസി മുക്കം പറഞ്ഞു. സംവരണ സീറ്റില് മത്സരിപ്പിക്കുന്നതിനാണ് സമസ്ത അനുവാദം നല്കിയതെന്ന് ഉമര് ഫൈസി മുക്കം മാധ്യമങ്ങളോട് പറഞ്ഞു.
പ്രാപ്തരായ ആണുങ്ങള് കുറേ ഉണ്ടല്ലോയെന്നും അവരെ തന്നെ നിര്ത്തിയാല് മതിയെന്നുള്ള നിലക്കാണ് സമസ്ത അനുവാദം നല്കിയതെന്നും ഉമര്ഫൈസി മുക്കം പറഞ്ഞു. സംവരണ സീറ്റില് നിര്ബന്ധമായും സ്ത്രീകളെ നിര്ത്തണമെന്ന അവസ്ഥ വന്നത് കൊണ്ട് സ്ത്രീകളെ നിര്ത്താമെന്നും ജനറല് സീറ്റുകളില് അത് അനുവദിക്കേണ്ടതില്ലെന്ന മറുപടിയാണ് കൊടുത്തിട്ടുള്ളത്', ഉമര് ഫൈസി മുക്കം പറഞ്ഞു.
സമസ്തയ്ക്കൊപ്പം നില്ക്കുന്നതാണ് ലീഗിന് നല്ലതെന്നും പത്ത് വര്ഷത്തെ എല്ഡിഎഫ് ഭരണത്തില് മുസ്ലിം സംഘടനകള്ക്ക് പരിഗണന ലഭിച്ചെന്നും ഉമര് ഫൈസി മുക്കം പറഞ്ഞു. ഭരണത്തെ കുറിച്ച് പരാതികളില്ലെന്നും ഉമര് ഫൈസി മുക്കം പറഞ്ഞു. 'കൂടുതല് സീറ്റുകള് സ്ത്രീകള്ക്ക് സംവരണം നല്കിയ കാലഘട്ടത്തില് അതിനെ കുറിച്ചുള്ള അഭിപ്രായം ലീഗിന്റെ അന്നത്തെ നേതാക്കള് സമസ്തയോട് ചോദിച്ചിരുന്നു. ആ അടിസ്ഥാനത്തില് തന്നെയാണ് മുസ്ലിം ലീഗ് തുടര്ന്ന് പോകുന്നത്. എന്നാല് ഇപ്പോള് അതില് മാറ്റം കാണുന്നുണ്ട്. അത് സമസ്തയുടെ ഫത്വയുമായി ചേരുന്നതല്ലെന്നാണ് ജനം മനസിലാക്കേണ്ടതാണെന്നും ഉമര് ഫൈസി മുക്കം പറഞ്ഞു.
LATEST NEWS
- ‘ചരിത്രം ഒരുകാലത്തും വഞ്ചകന്മാര്ക്ക് ജയം കൊടുത്തിട്ടില്ല’; പികെ ശശിയെ രൂക്ഷമായി വിമര്ശിച്ച് മുഖ്യമന്ത്രി
- ജമാഅത്തെ ഇസ്ലാമിയുമായിട്ടാണ് സുധാകരന് ചങ്ങാത്തം; എം വി ഗോവിന്ദന്
- വാഹനാപകടത്തിൽ പരുക്കേറ്റ് ചികിത്സയിലായിരുന്ന 4 വയസുകാരൻ മരിച്ചു
- സനോജിലൂടെ കോട്ട കാക്കാൻ ഇടതുപക്ഷം, വിള്ളൽ വീഴ്ത്താൻ ചന്ദ്രൻ തില്ലങ്കേരി, മട്ടന്നൂർ ഇത്തവണ ആർക്കൊപ്പം?
- എൽഡിഎഫ് സ്ഥാനാർത്ഥിക്കായി PRD വാർത്താക്കുറിപ്പ്; കണ്ണൂർ ജില്ലാ ഇൻഫർമേഷൻ ഓഫീസർക്ക് സസ്പെൻഷൻ
