' ഈ ജന്മദിനം അല്പം വ്യത്യസ്തമായി തോന്നുന്നു' ; കുറിപ്പുമായി മഞ്ജിമ മോഹന്
ബാലതാരമായി സിനിമയിലെത്തി പിന്നീട് നായികയായി തിളങ്ങിയ താരമാണ് മഞ്ജിമ മോഹന്. മലയാളം, തമിഴ്, തെലുങ്ക് സിനിമകളില് ശ്രദ്ധേയമായ വേഷങ്ങള് ചെയ്തിട്ടുണ്ട് താരം.
ഇപ്പോള് പിറന്നാള് ദിനത്തില് മഞ്ജിമ പങ്കുവെച്ച കുറിപ്പാണ് ശ്രദ്ധ നേടുന്നത്. ''ഈ ജന്മദിനം മുന്പുള്ളവയില് നിന്നെല്ലാം അല്പം വ്യത്യസ്തമായി തോന്നുന്നു. കഴിഞ്ഞ വര്ഷം ഒരു റോളര് കോസ്റ്റര് യാത്ര പോലെയായിരുന്നു! കൂടുതല് കരുത്തോടെയും വിശ്വാസത്തോടെയുമാണ് ഞാന് അതിനെ അതിജീവിച്ചത് എന്ന് എനിക്ക് ഉറപ്പിച്ചു പറയാം.കൂടുതല് തിരിച്ചറിവുകളോടെയും ധൈര്യത്തോടെയും 33-ാം വയസ്സിലേക്ക് ചുവടുവെക്കുന്നു. ഓരോ സന്ദേശങ്ങള്ക്കും ആശംസകള്ക്കും, സ്നേഹം പങ്കുവെക്കാന് സമയം കണ്ടെത്തിയ ഓരോ വ്യക്തിക്കും നന്ദി. ലോകത്തെ ഏറ്റവും മികച്ച മനുഷ്യരാല് ചുറ്റപ്പെട്ടു നില്ക്കുന്നതില് ഞാന് വലിയ അനുഗ്രഹമായി കരുതുന്നു'', എന്നാണ് മഞ്ജിമയുടെ വാക്കുകള്.
1997ല് പുറത്തിറങ്ങിയ കളിയൂഞ്ഞാല് എന്ന ചിത്രത്തില് ബാലതാരമായിട്ടാണ് മഞ്ജിമയുടെ തുടക്കം. 2000ല് റിലീസ് ചെയ്ത മധുരനൊമ്പരക്കാറ്റ് എന്ന ചിത്രത്തിലെ അഭിനയത്തിന് മികച്ച ബാലതാരത്തിനുളള സംസ്ഥാന ചലച്ചിത്ര അവാര്ഡ് മഞ്ജിമയ്ക്ക് ലഭിച്ചു. നീണ്ട ഇടവേളയ്ക്ക് ശേഷം മലയാളത്തില് 'ഒരു വടക്കന് സെല്ഫി' എന്ന ചിത്രത്തില് നിവിന് പോളിയുടെ നായികയായി തിരിച്ചുവരവ് ഗംഭീരമാക്കി. നടന് ഗൗതം കാര്ത്തിക് ആണ് മഞ്ജിമയുടെ ഭര്ത്താവ്. 2022 നവംബര് 28-നായിരുന്നു ഇരുവരുടെയും വിവാഹം നടക്കുന്നത്.
LATEST NEWS
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
- ' തിയേറ്ററില് വര്ക്കായില്ല, പക്ഷേ ആ ചിത്രം വിരാട് കോഹ്ലിയ്ക്ക് ഇഷ്ടമാണെന്നും മാച്ചിന് മുമ്പ് കാണാറുണ്ടെന്നും പറഞ്ഞു' ; പ്രിയദര്ശന്
- ' പ്രമാണിമാരോടും ഉന്നതന്മാരോടും ഒരു നീതി, സാധാരണ മനുഷ്യരോട് മറ്റൊരു നീതി' ; മുഖ്യമന്ത്രിയോട് നടന് പ്രേം കുമാര്
- ' മരുന്ന് ഉപേക്ഷിച്ചാല് എനിക്ക് അപസ്മാരം വരും, ആരും കാണാതിരിക്കാന് ഞാന് ബാത്ത്റൂമില് പോയി കതക് അടച്ച് ഇരിക്കും' ; ഫാത്തിമ സന ഷെയ്ഖ്
- ' ആട് സിനിമയില് ഡ്യൂഡ് അല്ല ചെയ്യാന് ആഗ്രഹിച്ചത് മറ്റൊരു കഥാപാത്രം, പക്ഷെ മിഥുന് സമ്മതിച്ചില്ല' ; വിനായകന്
