' ഒരു പുതിയ ജീവന്, പുതിയ അനുഗ്രഹം' ; 9 മാസം തികഞ്ഞതിന്റെ സന്തോഷം പങ്കുവെച്ച് ഷംന കാസിം
നടിയായും നര്ത്തകിയായും മലയാളികള്ക്ക് സുപരിചിതയായ താരമാണ് ഷംന കാസിം. മലയാളത്തിനു പുറമെ തമിഴ്, തെലുങ്ക് ഭാഷകളിലും അഭിനയിച്ച ഷംനയ്ക്ക് അവിടെയും ആരാധകര് ഏറെയാണ്. ജെബിഎസ് ഗ്രൂപ്പ് ഓഫ് കമ്പനീസ് സ്ഥാപകനും സി ഇ ഓയുമായ ഷാനിദ് ആസിഫ് അലി ആണ് ഷംനയുടെ ഭര്ത്താവ്. 2022ല് ആയിരുന്നു ഇരുവരുടെയും വിവാഹം. ഹംദാന് എന്നാണ് മകന്റെ പേര്. തങ്ങളുടെ രണ്ടാമത്തെ കുഞ്ഞിനായുളള കാത്തിരിപ്പിലാണ് ഇരുവരും.
ഇപ്പോള് ഗര്ഭിണിയായി 9 മാസം തികഞ്ഞതിന്റെ സന്തോഷം പങ്കുവെച്ചിരിക്കുകയാണ് ഷംന. വീട്ടില് ഇതിന്റെ ചെറിയൊരു ചടങ്ങും നടന്നു. ഇതിന്റെ ചിത്രങ്ങള് സമുഹമാധ്യമങ്ങളിലൂടെ ഷംന പങ്കുവെച്ചു.
'9 മാസത്തെ മനോഹരമായ ഒരു യാത്ര... എന്റെ രണ്ട് ഉമ്മമാരും എന്നെ സ്നേഹത്തോടും കരുതലോടെയും ഒരുക്കിയപ്പോള് ഉണ്ടായ ആ നിമിഷം തികഞ്ഞ സന്തോഷം നിറഞ്ഞതായിരുന്നു. ആ അനുഭവം വാക്കുകള് കൊണ്ട് വിവരിക്കാന് എനിക്ക് കഴിയില്ല. ഇപ്പോള് എന്റെ പ്രസവ സമയം അടുത്തിരിക്കുന്നു... ദയവായി എന്നെയും എന്റെ കുഞ്ഞിനെയും നിങ്ങളുടെ പ്രാര്ത്ഥനകളില് ഓര്ക്കുക. അളളാഹു ഞങ്ങള്ക്ക് സുരക്ഷിതമായ പ്രസവവും ആരോഗ്യവാനായ ഒരു കുഞ്ഞിനെയും നല്കി അനുഗ്രഹിക്കട്ടെ. ഒരു പുതിയ ജീവന്... ഒരു പുതിയ അനുഗ്രഹം... മനോഹരമായ ഒരു തുടക്കം'', എന്നാണ് ചിത്രങ്ങള്ക്കൊപ്പം ഷംന കാസിം കുറിച്ചത്.
LATEST NEWS
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
- ' തിയേറ്ററില് വര്ക്കായില്ല, പക്ഷേ ആ ചിത്രം വിരാട് കോഹ്ലിയ്ക്ക് ഇഷ്ടമാണെന്നും മാച്ചിന് മുമ്പ് കാണാറുണ്ടെന്നും പറഞ്ഞു' ; പ്രിയദര്ശന്
- ' പ്രമാണിമാരോടും ഉന്നതന്മാരോടും ഒരു നീതി, സാധാരണ മനുഷ്യരോട് മറ്റൊരു നീതി' ; മുഖ്യമന്ത്രിയോട് നടന് പ്രേം കുമാര്
- ' മരുന്ന് ഉപേക്ഷിച്ചാല് എനിക്ക് അപസ്മാരം വരും, ആരും കാണാതിരിക്കാന് ഞാന് ബാത്ത്റൂമില് പോയി കതക് അടച്ച് ഇരിക്കും' ; ഫാത്തിമ സന ഷെയ്ഖ്
- ' ആട് സിനിമയില് ഡ്യൂഡ് അല്ല ചെയ്യാന് ആഗ്രഹിച്ചത് മറ്റൊരു കഥാപാത്രം, പക്ഷെ മിഥുന് സമ്മതിച്ചില്ല' ; വിനായകന്
