കെമിക്കല് ഫാക്ടറിയില് വന് തീപിടിത്തം;7 പേര് വെന്തുമരിച്ചു; പത്തുപേര് കുടുങ്ങി
ജയ്പൂര്: രാജസ്ഥാനിലെ ഭിവാഡിയില് കെമിക്കല് ഫാക്ടറിയിലുണ്ടായ വന് തീപിടുത്തത്തില് ഏഴ് തൊഴിലാളികള് വെന്തു മരിച്ചു. പത്ത് തൊഴിലാളികള് ഫാക്ടറിക്കുള്ളില് കുടുങ്ങിയതായാണ് റിപ്പോര്ട്ട്. രാവിലെ ഒന്പതരയോടെയാണ് തീപിടിത്തമുണ്ടായത്. ഈ സമയം 25 തൊഴിലാളികള് ഫാക്ടറിയില് ജോലി ചെയ്യുന്നുണ്ടായിരുന്നു.
തീ പടര്ന്നുപിടിച്ചതോടെ ഫാക്ടറിയുടെ ഭൂരിഭാഗവും കത്തിയമര്ന്നു. ഇതിനിടെ ചില തൊഴിലാളികള് രക്ഷപ്പെട്ട് ഓടിയതായും വിവരം ഉണ്ട്. പ്രദേശത്ത് സാധാരണ രീതിയിലുള്ള പൊലീസ് പട്രോളിംഗിനിടെയാണ് സംഭവം ആദ്യം ശ്രദ്ധയില്പ്പെട്ടതെന്ന് അഡീഷണല് ഡിസ്ട്രിക്റ്റ് മജിസ്ട്രേറ്റ് സുമിത മിശ്ര പറഞ്ഞു. പൊലീസും ഫയര്ഫോഴ്സും മെഡിക്കല് സംഘവും ഉടന് തന്നെ സ്ഥലത്തെത്തി രക്ഷാപ്രവര്ത്തനം ആരംഭിച്ചു. ഒന്നര മണിക്കൂര് നീണ്ട പരിശ്രമത്തിനൊടുവിലാണ് തീ നിയന്ത്രണവിധേയമാക്കിയത്.
തീപിടിത്തത്തിന്റെ കൃത്യമായ കാരണം ഇതുവരെ സ്ഥിരീകരിച്ചിട്ടില്ല. തിജാര ഡെപ്യൂട്ടി സൂപ്രണ്ട് ശിവരാജ് സിങിന്റെ നേതൃത്വത്തില് പ്രാഥമിക അന്വേഷണം ആരംഭിച്ചു. കലക്ടര് അടക്കമുള്ള മുതിര്ന്ന ഉദ്യോഗസ്ഥര് സ്ഥലം സന്ദര്ശിച്ച് സ്ഥിതിഗതികള് വിലയിരുത്തി. സംഭവത്തില് മജിസ്ട്രീരിയല് അന്വേഷണം പ്രഖ്യാപിച്ച ജില്ലാ ഭരണകൂടം, സുരക്ഷാ ക്രമീകരണങ്ങളില് വീഴ്ചയുണ്ടായിട്ടുണ്ടോ എന്നും പരിശോധിക്കും.
LATEST NEWS
- 'അച്ചന് കയ്യില് പിടിച്ചു പറഞ്ഞു നമ്മുടെ ചെറുക്കനെ എങ്ങനെയെങ്കിലും ജയിപ്പിക്കണം' ; ഷോണിന് വേണ്ടിയുള്ള പോസ്റ്റ് ശ്രദ്ധനേടുന്നു
- സുരേന്ദ്രൻ പിള്ളയെ പരിഗണിച്ചില്ല ; തിരുവനന്തപുരം സെൻട്രലിൽ കരമന ജയൻ എൻഡിഎ സ്ഥാനാർത്ഥി
- അതിവേഗം സ്ഥാനാർഥികളെ തീരുമാനിച്ചു; കോൺഗ്രസിൽ പ്രശ്നമുണ്ടാക്കുന്നത് മാധ്യമങ്ങള് ; വി ഡി സതീശന്
- തയ്യാറെടുപ്പ് നടത്തി നില്ക്കുമ്പോള് അവസാനം പേരുവെട്ടി ; ജോസഫ് വാഴയ്ക്കനും അതൃപ്തി, പക്ഷേ പരസ്യനിലപാടിനില്ല
- ബിജെപിയ്ക്ക് കേരളത്തില് സ്വാധീനം കൂടി ; കഴിഞ്ഞ രണ്ടു തെരഞ്ഞെടുപ്പുകളില് വോട്ടുഷെയര് കൂടിയത് 10 ശതമാനത്തിന് മുകളിലേക്ക്
