രാഹുല്മാങ്കൂട്ടത്തിലിന്റെ കേസ് ; അതിജീവിത തടസ്സഹര്ജിയുമായി സുപ്രീംകോടതിയില്
ന്യൂഡല്ഹി: രാഹുല്മാങ്കൂട്ടത്തിലിന്റെ കേസില് അതിജീവിത തടസ്സഹര്ജിയുമായി സുപ്രീംകോടതിയില്. അതിജീവിതയെ സമൂഹ മാധ്യമങ്ങളിലൂടെ അധിക്ഷേപിച്ച കേസിലെ പ്രതിയായ സുപ്രീംകോടതി അഭിഭാഷക ദീപ ജോസഫ് നല്കിയ റിട്ട് ഹര്ജിയിലാണ് അതിജീവിത തടസ്സഹര്ജി നല്കിയിരിക്കുന്നത്. അതേസമയം ദീപ ജോസഫിന്റെ റിട്ട് ഹര്ജിയിലെ ഉള്ളടക്കം എന്താണെന്ന് ഇതുവരെ വ്യക്തമായിട്ടില്ല.
എന്നിരുന്നാലും ദീപാ ജോസഫിന്റെ ഹര്ജിയില് ഇടക്കാല ഉത്തരവ് പുറപ്പെടുവിക്കുന്നതിന് മുമ്പ് തന്റെ വാദം കേള്ക്കണമെന്നാണ് ആവശ്യം. കേസ് റജിസ്റ്റര് ചെയ്തിരിക്കുന്ന വകുപ്പിന്റെ ഭരണഘടനാ സാധുത ഉള്പ്പെടെ ചോദ്യം ചെയ്താണ് റിട്ട് ഹര്ജി. അഭിഭാഷകന് കെ.ആര്. സുഭാഷ് ചന്ദ്രനാണ് അതിജീവിതയുടെ തടസ്സഹര്ജി ഫയല് ചെയ്തിരിക്കുന്നത്. കേസ് റജിസ്റ്റര് ചെയ്തിരിക്കുന്ന വകുപ്പിന്റെ ഭരണഘടനാ സാധുത ഉള്പ്പെടെ ചോദ്യം ചെയ്താണ് റിട്ട് ഹര്ജി.
കേരളാപോലീസ് റജിസ്റ്റര് ചെയ്ത കേസ് റദ്ദാക്കണമെന്നും ആവശ്യമുണ്ട്. രാഹുല് മാങ്കൂട്ടത്തിലിനെതിരേ ലൈംഗികാപവാദത്തില് മൂന്ന് കേസുകളാണ് റജിസ്റ്റര് ചെയ്തിരിക്കുന്നത്. ഇതില് മൂന്നാമത്തെ കേസില് കഴിഞ്ഞ ദിവസം പത്തനംതിട്ട കോടതി രാഹുലിന് ജാമ്യം അനുവദിച്ചിരുന്നു. ഒന്നാം കേസിലെ മുന്കൂര് ജാമ്യാപേക്ഷ ഹൈക്കോടതിയുടെ പരിഗണനയിലാണ്.
LATEST NEWS
- പാര്ട്ടിക്കതീതമായ സുഹൃത്ബന്ധം; തിരുവനന്തപുരം മണ്ഡലത്തിലെ യു.ഡി.എഫ് സ്ഥാനാര്ഥി സി.പി. ജോണിന്റെ ഫോട്ടോഷൂട്ടിന് സുരേഷ് കുറുപ്പ്
- അടിയൊഴുക്കുകള് ശ്രദ്ധിക്കണം, മാന്യത പുലര്ത്തണം, ഒരുതരത്തിലുള്ള നാവുപിഴയും ഉണ്ടാകരുത് ; കീഴ്ഘടകങ്ങളോട് സി.പി.എം നിര്ദേശം
- ‘ഞാൻ സീറ്റിനായി ഇത്രയും കാലത്തിനിടെ ഭിക്ഷാടനം നടത്തിയിട്ടില്ല’; കെ സുധാകരനെതിരെ മുല്ലപ്പള്ളി രാമചന്ദ്രൻ
- കോട്ടയത്ത് സ്വകാര്യ ബസ് നിയന്ത്രണം വിട്ട് വൈദ്യുതി പോസ്റ്റിലിടിച്ച് അപകടം
- വൈപ്പിനിൽ 12 ബിജെപി പ്രവർത്തകർ സിപിഐഎമ്മിൽ ചേർന്നു
