കാക്കി കുപ്പായം, കാലിൽ ഹവായ് ചെരുപ്പ്, കൈയ്യിൽ ഷൂസ്; മീശ പിരിച്ച് പൊലീസ് വേഷത്തിൽ മോഹൻലാൽ; കൗതുകമുണർത്തി ‘ലവ്ലജൻ’; എല് 366 ക്യാരക്ടർ പോസ്റ്റര് ട്രെൻഡിംഗ്
മീശ പിരിച്ച് അഡാർ ലുക്കിലുള്ള മോഹന്ലാലിന്റെ ചിത്രങ്ങളാണ് രണ്ടു ദിവസമായി സോഷ്യല് മീഡിയ കീഴടക്കുന്നത്. വളരെക്കാലമായി താടിമീശയില് ലാലേട്ടന് കണ്ടിരുന്ന പ്രേക്ഷകര്ക്ക് ഈ പുത്തന് ലുക്ക് ഏറെയിഷ്ടമായി. അതുകൊണ്ടു തന്നെ ചിത്രം ആരാധകർ ഏറ്റെടുത്തു ആഘോഷമാക്കി. പുത്തന് ലുക്കിനു പിന്നാലെ ഒരു സര്പ്രൈസും എത്തുമെന്നും ആരാധകര് ഉറപ്പിച്ചു.
ഇപ്പോഴിതാ ആ സർപ്രൈസ് പൊളിക്കുകയാണ് മോഹന്ലാല്. ‘തുടരും’ എന്ന സൂപ്പര്ഹിറ്റ് ചിത്രത്തിന് ശേഷം തരുണ് മൂര്ത്തിയും മോഹന്ലാലും വീണ്ടും ഒന്നിക്കുന്ന സിനിമയായ എൽ 366 ഫസ്റ്റ് ലുക്ക് പോസ്റ്ററാണ് മോഹൻലാൽ സോഷ്യല് മീഡിയയില് പങ്കിട്ടിരിക്കുന്നത്. ‘‘ടി.എസ്. ലവ്ലജനെ പരിചയപ്പെടുത്തുന്നു... മനുഷ്യരൂപത്തിലുള്ള ശുദ്ധമായ സ്നേഹം...’’ എന്ന ക്യാപ്ഷൻ നൽകിയാണ് മോഹന്ലാല് ക്യാരക്ടര് പോസ്റ്റര് പങ്കിട്ടിരിക്കുന്നത്. തരുണ് മൂര്ത്തിയും മറ്റ് അണിയറ പ്രവർത്തകരും ക്യാരക്ടർ പോസ്റ്റർ പങ്കുവച്ചിട്ടുണ്ട്.
എൽ 366 എന്ന് താല്ക്കാലികമായി പേര് നല്കിയിരിക്കുന്ന ഈ ചിത്രത്തില് മോഹന്ലാല് പൊലീസ് വേഷത്തിലാണ് എത്തുന്നത്. ടി എസ് ലവ്ലജൻ എന്നാണ് മോഹൻലാലിന്റെ കഥാപാത്രത്തിന്റെ പേര്. പൊലീസ് വേഷത്തിൽ ജോലി കഴിഞ്ഞ് വീട്ടിലെത്തിയ ലുക്കിലാണ് പോസ്റ്ററില് മോഹൻലാല്. ഷർട്ടിന്റെ ഇൻസർട്ട് അഴിച്ചിട്ടുണ്ട്, ബൂട്ടുകള് കയ്യില് പിടിക്കുകയും കാലില് ഹവായ് സ്ലിപ്പറുകള് ധരിച്ചിട്ടുമുണ്ട്. സിനിമയ്ക്ക് വേണ്ടി മോഹൻലാല് തന്റെ ഗെറ്റപ്പില് വലിയ മാറ്റം വരുത്തിയിട്ടുണ്ട്. വർഷങ്ങളായി കൊണ്ടുനടന്ന താടി പൂർണ്ണമായും നീക്കം ചെയ്ത് കട്ടിമീശ മാത്രമുള്ള രൂപത്തിലാണ് താരം എത്തുന്നത്.
ഏറെ നാളത്തെ ഇടവേളയ്ക്ക് ശേഷം മോഹൻലാല് പോലീസ് യൂണിഫോമില് എത്തുന്നു എന്നതാണ് ഈ ചിത്രത്തിനായി ആരാധകരെ ആവേശം കൊള്ളിക്കുന്ന പ്രധാന ഘടകം. ‘ദൃശ്യം 2’ വിന് ശേഷം മോഹൻലാല് വീണ്ടും തൊടുപുഴയില് ചിത്രീകരണത്തിനായി എത്തുന്നു എന്ന പ്രത്യേകതയും ഈ ചിത്രത്തിനുണ്ട്. ഈ ചിത്രം മോഹൻലാലിന്റെ കരിയറിലെ 366-ാമത്തെ സിനിമയാണ്. മീര ജാസ്മിനാണ് ചിത്രത്തിലെ നായിക.
ആഷിക് ഉസ്മാൻ പ്രൊഡക്ഷൻസിന്റെ ബാനറില് ആഷിക് ഉസ്മാൻ നിർമ്മിക്കുന്ന 21-ാമത്തെ ചിത്രമാണിത്. രതീഷ് രവിയുടേതാണ് തിരക്കഥ. ജേക്സ് ബിജോയ് സംഗീതവും ഷാജികുമാർ ഛായാഗ്രഹണവും നിർവ്വഹിക്കുന്നു. ബിനു പപ്പുവാണ് ചിത്രത്തിന്റെ സഹസംവിധായകൻ. സെൻട്രല് പിക്ചേഴ്സ് ആണ് ചിത്രം തിയേറ്ററുകളില് എത്തിക്കുന്നത്.
LATEST NEWS
- ‘ഇവനെയെന്തിന് എടുത്തുവെന്നതടക്കം ഭയങ്കര സൈബര് ബുള്ളിയിംഗ് വന്നു; 100 വാള്ട്ടിന്റെ ബള്ബായി കത്തിക്കിടന്ന ഞാന് പെട്ടെന്ന് സീറോ വാള്ട്ടായി പോയി...’ ഫുക്രു
- വിജയ്യെക്കുറിച്ച് തൃഷയോട് ചോദ്യങ്ങളുമായി പാപ്പരാസികള്; മൈന്ഡ് ചെയ്യാതെ താരം
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
- ' തിയേറ്ററില് വര്ക്കായില്ല, പക്ഷേ ആ ചിത്രം വിരാട് കോഹ്ലിയ്ക്ക് ഇഷ്ടമാണെന്നും മാച്ചിന് മുമ്പ് കാണാറുണ്ടെന്നും പറഞ്ഞു' ; പ്രിയദര്ശന്
- ' പ്രമാണിമാരോടും ഉന്നതന്മാരോടും ഒരു നീതി, സാധാരണ മനുഷ്യരോട് മറ്റൊരു നീതി' ; മുഖ്യമന്ത്രിയോട് നടന് പ്രേം കുമാര്
