അന്ന് ജീവിതം വളരെ ലളിതവും ഫില്ട്ടറുകള്ക്ക് ഒരുപാട് പ്രാധാന്യവുമുളള കാലമായിരുന്നു; ഓര്മ്മകള് പങ്കുവെച്ച് മീര നന്ദന്
2016 ലെ തന്റെ നല്ല കുറേ ഓര്മകള് പങ്കുവച്ച് എത്തിയിരിക്കുകയാണ് മീര നന്ദന് . അന്ന് ജീവിതം വളരെ ലളിതവും, ഫില്ട്ടറുകള്ക്ക് വളരെ അധികം പ്രാധാന്യമുള്ള കാലമായിരുന്നു എന്ന് പറഞ്ഞാണ് ഒരു കൂട്ടം ചിത്രങ്ങള് മീര നന്ദന് പങ്കുവച്ചിരിയ്ക്കുന്നത്. കാവ്യ മാധവന്, ആന് അഗസ്റ്റിന് എന്നിവര്ക്കൊപ്പമുള്ള സൗഹൃദവും, ഷൂട്ടിങ് സെറ്റിലെ ചിത്രങ്ങളും തന്റെ പ്രിയപ്പെട്ടവര്ക്കൊപ്പമുള്ള നിമിഷങ്ങളും, തന്റെ തന്നെ കുറേ ഫില്ട്ടര് ഇട്ട സെല്ഫി ചിത്രങ്ങളുമൊക്കെയാണ് മീര നന്ദന് പങ്കുവച്ചിരിയ്ക്കുന്നത്.
2016 - കാലഘട്ടത്തിലാണ് മീര നന്ദന് സിനിമകള് പതിയെ കുറച്ചത്. തെലുങ്കിലും തമിഴിലും ഏതാനും സിനിമകള് ചെയ്തുകൊണ്ട് അഭിനയ ജീവിതത്തിന് പതിയെ കര്ട്ടനിട്ട് റേഡിയോ ജോക്കി ജീവിതത്തിലേക്ക് കടക്കുന്ന ഘട്ടമായിരുന്നു അത്. 2017 ആയപ്പോഴേക്കും അഭിനയം പാടെ നിര്ത്തി, ദുബായില് സെറ്റില്ഡ് ആയി. പിന്നെ ആര്ജെയായുള്ള ജീവിതം.
സോഷ്യല് മീഡിയയിലൂടെ അപ്പോഴും മീര നന്ദന് സജീവമായിരുന്നു. നടിയുടെ ലുക്കിലും ലൈഫ്സ്റ്റൈലിലും പിന്നീട് വന്ന മാറ്റങ്ങള്ക്കെല്ലാം പ്രേക്ഷകര് സാക്ഷിയായി. ആര്ജെ ജോലിയ്ക്കൊപ്പം ഇടയ്ക്ക് ആങ്കറിങിലേക്ക് മീര തിരിച്ചു വന്നിരുന്നു. 2023 ല് റിലീസായ എന്നാലും എന്റെ അളിയാ എന്ന ചിത്രം മാറ്റി നിര്ത്തിയാല് പിന്നീട് മീര നന്ദന് സിനിമയിലേക്ക് തിരിഞ്ഞു നോക്കിയതേയില്ല.
2014 ല് മീര നന്ദന് വിവാഹിതയായി. ശ്രീജുവുമായുള്ള വിവാഹവും സോഷ്യല് മീഡിയയില് ഏറെ ശ്രദ്ധ നേടിയിരുന്നു. ലണ്ടന് ബെയ്സ്ഡ് ഭര്ത്താവിന്റെ വിശേഷങ്ങളും ദുബായിലെ തന്റെ ജീവിതത്തെയും കുറിച്ച് മീര ഇപ്പോഴും സോഷ്യല് മീഡിയയില് പങ്കുവയ്ക്കാറുണ്ട്. പത്ത് വര്ഷങ്ങള്ക്കിപ്പുറവും ആ സൗഹൃദങ്ങള് എല്ലാം ഇപ്പോഴും മീര മുന്നോട്ടു കൊണ്ടു പോകുന്നു എന്നതും വലിയ കാര്യമാണ്.
LATEST NEWS
- അതൊരു തെറ്റിദ്ധാരണയാണ്, സരിഗയെ വിളിച്ച് മാപ്പ് പറഞ്ഞു; വിവാദത്തില് പ്രതികരിച്ച് നടന് ശങ്കര്
- എന്റെ മകന്റെ വിവാഹം പോലെ, അത്രയും ബന്ധമുണ്ട്; ബ്ലെസിയുടെ മകന്റെ വിവാഹത്തില് പങ്കെടുത്ത് മോഹന്ലാല്
- എനിക്കൊട്ടും താത്പര്യമില്ലാതെ ചെയ്ത സിനിമയാണ് നാനും റൗഡി താന് , കഥ കേട്ടപ്പോള് ഉറങ്ങിപ്പോയി ; വിജയ് സേതുപതി
- എന്റെ പ്രിയ സുഹൃത്ത് ഈ മഹത്തായ ബഹുമതി തമിഴ്നാടിന് നേടി തന്നിരിക്കുന്നു; വൈരമുത്തുവിനെ അഭിനന്ദിച്ച് കമല് ഹാസന്
- ത്രസിപ്പിക്കുന്ന നൃത്ത ചുവടുകളുമായി വേദിക, ആട് 3യിലെ ആദ്യ ഗാനം പുറത്ത്; അഡ്വാൻസ് ബുക്കിംഗ് ആരംഭിച്ചു, റിലീസ് മാർച്ച് 19ന്..
