അമ്മാ.. ഇതൊരു ദുഃസ്വപ്‌നം ആയിരുന്നെങ്കില്‍ എന്ന് ഞാന്‍ ആഗ്രഹിച്ചു പോകുന്നു; വേദനയോടെ മാളവിക

photo-www.instagram.com/instamalunair/

ബാലതാരമായി അഭിനയ ലോകത്തേക്ക് വന്നതാണ് മാളവിക നായര്‍ . കറുത്ത പക്ഷികള്‍ എന്ന ചിത്രത്തില്‍ മമ്മൂട്ടിയുടെ എല്ലാം മകളായി അഭിനയിച്ച താരം പിന്നീട്, ജോര്‍ജ്ജേട്ടന്‍സ് പൂരം പോലുള്ള സിനിമകളില്‍ സെക്കന്റ് ഹീറോയിനായും എത്തിയിരുന്നു. അഭിനയവും പഠനവും എല്ലാം ഒരുമിച്ചു കൊണ്ടുപോകുന്നതില്‍ ഏറ്റവും ശക്തമായി മാളവികയ്‌ക്കൊപ്പം, നടിക്ക് പിന്‍താങ്ങായി നിന്നത് അമ്മയാണ്. ദിവസങ്ങള്‍ക്ക് മുന്‍പ് മാളവികയുടെ അമ്മ അന്തരിച്ച വാര്‍ത്ത പുറത്തുവന്നിരുന്നു. ഇപ്പോഴിതാ അമ്മയുടെ ഓര്‍മയില്‍ മാളവിക പങ്കുവച്ച സോഷ്യല്‍ മീഡിയ പോസ്റ്റ് ശ്രദ്ധ നേടുന്നു

അമ്മാ.. ഇതൊരു ദുഃസ്വപ്‌നം ആയിരുന്നെങ്കില്‍ എന്ന് ഞാന്‍ ആഗ്രഹിച്ചു പോകുന്നു. ഞാന്‍ ഉറങ്ങി എഴുന്നേല്‍ക്കുമ്പോള്‍, എപ്പോഴും കണ്ടിരുന്നത് പോലെ പുഞ്ചിരിച്ചുകൊണ്ട് എന്റെ അരികില്‍ നിന്നെ കാണാന്‍ കഴിഞ്ഞിരുന്നുവെങ്കില്‍.. അമ്മാ, നീ ആയിരുന്നു എന്റെ എല്ലാം.. എല്ലാ തീരുമാനങ്ങളിലും നീ എന്റെ വഴികാട്ടിയായി, ഞാന്‍ തളരുമ്പോള്‍ എന്റെ ശക്തിയായി, ഞാന്‍ എവിടെയായിരുന്നാലും എന്റെ വീടായി നീ നിന്നു.. നിന്നെ നഷ്ടപ്പെടുന്നത് എനിക്ക് എന്റെ വഴി കാണിച്ചു തന്ന വെളിച്ച നഷ്ടപ്പെടുന്നതിന് തുല്യമാണ്.

പക്ഷേ ഒരു കാര്യം ഞാന്‍ അമ്മയ്ക്ക് ഉറപ്പു തരാം, അമ്മയുടെ സ്വപ്‌നം ഞാന്‍ പൂര്‍ത്തീകരിക്കും. നീ എനിക്ക് വേണ്ടി ആഗ്രഹിച്ച ജീവിതം ഞാന്‍ ജീവിക്കും. ഞാന്‍ എടുക്കുന്ന ഓരോ ശ്വാസത്തിലും, ഞാന്‍ ചെയ്യുന്ന എല്ലാ കാര്യങ്ങളിലും നിന്റെ സ്‌നേഹം എന്നോടൊപ്പം കൊണ്ടുപോകുമെന്നും ഞാന്‍ നിനക്ക് വാഗ്ദാനം ചെയ്യുന്നു. നീ ഇപ്പോള്‍ സമാധാനത്തിലായിരിക്കുമെന്നും, അമ്മ അമ്മയുടെ അച്ഛനോടും അമ്മയോടും വീണ്ടും ഒന്നിച്ചു എന്നും എനിക്ക് കാവല്‍ നില്‍ക്കുന്നുണ്ടെന്നും ഞാന്‍ പ്രതീക്ഷിക്കുന്നു. നിന്നെ വീണ്ടും കാണുന്നതുവരെ ഞാന്‍ എന്റെ ദിവസങ്ങളെണ്ണി കാത്തിരിക്കുന്നു

ഇത്രയും എന്നെ 2025 ന് തകര്‍ക്കാന്‍ കഴിയുമെന്ന് ഞാന്‍ പ്രതീക്ഷിച്ചില്ല. അമ്മയെ എന്നില്‍ നിന്നെ അകറ്റിയ ഈ വര്‍ഷത്തോട് എനിക്ക് വെറുപ്പാണ്- എന്ന് പറഞ്ഞാണ് മാളവികയുടെ പോസ്റ്റ് അവസാനിക്കുന്നത്. നടിയ്ക്ക് കരുത്തും ധൈര്യവും ആശ്വംസിച്ചും, സ്‌നേഹം അറിയിച്ചും നിരവധി കമന്റുകളാണ് പോസ്റ്റിന് താഴെ വരുന്നത്. 2025 ഡിസംബര്‍ 26 ന് ആണ് മാളവികയുടെ അമ്മ മരണപ്പെട്ടത്