കുഞ്ഞ് ജനിച്ചതിനുശേഷമുളള ആദ്യത്തെ വിവാഹവാര്ഷികം ആഘോഷമാക്കി കത്രീന കൈഫും വിക്കി കൗശലും
നാലാം വിവാഹ വാര്ഷികദിനത്തില് മനോഹരമായ പോസ്റ്റ് പങ്കുവെച്ച് നടന് വിക്കി കൗശല്. കത്രീനയെ ചേര്ത്തുപിടിച്ചു നില്ക്കുന്ന ചിത്രമാണ് താരം പങ്കുവെച്ചിരിക്കുന്നത്.‘ ഇന്ന് ആഘോഷിക്കുന്നു.. ആനന്ദത്തോടെ, നന്ദിയോടെ, ഉറക്കമില്ലാതെ..സന്തോഷകരമായ നാല് വര്ഷങ്ങള്’ ചിത്രത്തിനൊപ്പം വിക്കി കുറിച്ചു. മാതാപിതാക്കളായതിനുശേഷമുളള ഇരുവരുടെയും ആദ്യത്തെ വിവാഹവാര്ഷികമാണിത്.
കഴിഞ്ഞ നവംബറിലായിരുന്നു താരങ്ങള് തങ്ങളുടെ ആദ്യത്തെ കണ്മണിയെ വരവേറ്റത്. ആണ് കുഞ്ഞ് പിറന്ന വിവരം ദമ്പതികള് തന്നെയാണ് സമൂഹമാധ്യമങ്ങളിലൂടെ പങ്കുവെച്ചത്. ഞങ്ങളുടെ സന്തോഷത്തിന്റെ നിറകുടം എത്തിയിരിക്കുന്നു. വളരെയധികം നന്ദിയോടെ ഞങ്ങള് ഞങ്ങളുടെ കുഞ്ഞിനെ സ്വാഗതം ചെയ്യുന്നു എന്നായിരുന്നു താരങ്ങള് കുറിച്ചത്. ആരാധകരും സെലിബ്രിറ്റികളുമുള്പ്പെടെ നിരവധിപ്പേരായിരുന്നു താരങ്ങള്ക്ക് ആശംസകളറിയിച്ചെത്തിയത്.
2021ഡിസംബറിലാണ് കത്രീന കൈഫും വിക്കി കൗശലും വിവാഹിതരായത്. ഇരുവരുടെയും പ്രണയകഥ ബോളിവുഡില് ഏറെ ചര്ച്ച ചെയ്യപ്പെട്ട ഒന്നാണ്. ഗോസിപ്പ് കോളങ്ങളില് നിറഞ്ഞുനിന്നെങ്കിലും തങ്ങളുടെ ബന്ധത്തെക്കുറിച്ച് സംസാരിക്കാന് ഇരുവരും തയാറായില്ല. വളരെ സ്വകാര്യമായി സൂക്ഷിച്ച പ്രണയം 2021 ഡിസംബര് 9 ന് രാജസ്ഥാനില് വെച്ചു നടന്ന രാജകീയ വിവാഹത്തിലൂടെയാണ് ലോകം അറിഞ്ഞത്.
LATEST NEWS
- അതൊരു തെറ്റിദ്ധാരണയാണ്, സരിഗയെ വിളിച്ച് മാപ്പ് പറഞ്ഞു; വിവാദത്തില് പ്രതികരിച്ച് നടന് ശങ്കര്
- എന്റെ മകന്റെ വിവാഹം പോലെ, അത്രയും ബന്ധമുണ്ട്; ബ്ലെസിയുടെ മകന്റെ വിവാഹത്തില് പങ്കെടുത്ത് മോഹന്ലാല്
- എനിക്കൊട്ടും താത്പര്യമില്ലാതെ ചെയ്ത സിനിമയാണ് നാനും റൗഡി താന് , കഥ കേട്ടപ്പോള് ഉറങ്ങിപ്പോയി ; വിജയ് സേതുപതി
- എന്റെ പ്രിയ സുഹൃത്ത് ഈ മഹത്തായ ബഹുമതി തമിഴ്നാടിന് നേടി തന്നിരിക്കുന്നു; വൈരമുത്തുവിനെ അഭിനന്ദിച്ച് കമല് ഹാസന്
- ത്രസിപ്പിക്കുന്ന നൃത്ത ചുവടുകളുമായി വേദിക, ആട് 3യിലെ ആദ്യ ഗാനം പുറത്ത്; അഡ്വാൻസ് ബുക്കിംഗ് ആരംഭിച്ചു, റിലീസ് മാർച്ച് 19ന്..
