ശബരിമല സ്വര്ണ്ണക്കൊള്ള : എസ്ഐടി ഇന്ന് ഹൈക്കോടതിയില് രണ്ടാം ഇടക്കാല റിപ്പോര്ട്ട് സമര്പ്പിക്കും
തിരുവനന്തപുരം: ശബരിമല സ്വര്ണ്ണക്കൊള്ള കേസില് എസ്ഐടി ഇന്ന് ഹൈക്കോടതിയില് രണ്ടാം ഇടക്കാല റിപ്പോര്ട്ട് സമര്പ്പിക്കും. അന്വേഷണ ഉദ്യോഗസ്ഥനായ എസ്പി എസ് ശശിധരന് നേരിട്ടെത്തിയാകും റിപ്പോര്ട്ട് സമര്പ്പിക്കുക.
മുന് ദേവസ്വം പ്രസിഡന്റ് കൂടിയായിരുന്ന എന് വാസുവിനെയും വീണ്ടും ചോദ്യം ചെയ്യാനാണ് എസ്ഐടിയുടെ നീക്കം. ഇടക്കാല റിപ്പോര്ട്ടില് എന് വാസുവിനെ പ്രതി പട്ടികയില് ഉള്പ്പെടുത്തിയ വിവരം കോടതിയെ അറിയിക്കും. 2019 ല് ദേവസ്വം കമ്മീഷണര് ആയിരുന്ന എന് വാസുവിനെ മൂന്നാം പ്രതിയായി ചേര്ത്താണ് റിപ്പോര്ട്ട് സമര്പ്പിക്കുക. നേരത്തേ രജിസ്റ്റര് ചെയ്ത എഫ്ഐആറില് ദേവസ്വം ഉദ്യോഗസ്ഥരുടെ പേര് ചേര്ത്തിരുന്നില്ല.
സ്വര്ണം പൊതിഞ്ഞ കട്ടിളപ്പാളി ചെമ്പുപാളിയാണെന്ന് മഹസറില് രേഖപ്പെടുത്തിയത് അന്നത്തെ ദേവസ്വം കമ്മീഷണറുടെ ശിപാര്ശയില് ആണെന്നാണ് SIT യുടെ കണ്ടെത്തല്. വാസുവിന്റെ മുന് പിഎയും മുന് എക്സിക്യൂട്ടീവ് ഓഫീസറുമായ ഡി സുധീഷ് കുമാറിനെ വീണ്ടും കസ്റ്റഡിയില് വാങ്ങിക്കുന്നതിന് എസ്ഐടി അപേക്ഷ നല്കും. ഇതിനിടെ കസ്റ്റഡിയിലുള്ള ഉണ്ണികൃഷ്ണന് പോറ്റിയെ എസ്ഐടി ചോദ്യം ചെയ്തുവരികയാണ്.
LATEST NEWS
- യുഡിഎഫ് സ്ഥാനാർത്ഥിയുടെ റോഡ് ഷോയ്ക്കിടയില് രാഹുൽ മാങ്കൂട്ടത്തിലിന്റെ കാര്; അഭിവാദ്യം അർപ്പിച്ച കോൺഗ്രസ് പ്രവർത്തകർ
- പാലായില് ശക്തമായ പ്രചരണം ; ഷോണ് ജോര്ജിന്റെ കൂറ്റന് റാലി; സ്ത്രീകളുടേയും യുവജനങ്ങളുടേയും പങ്കാളിത്തം
- ബേപ്പൂരിൽ അൻവർ- റിയാസ് പോരാട്ടം
- 'പെരുന്നാളിന് നാട്ടിലെത്തേണ്ടവർ യുദ്ധത്തിന്റെ കരിനിഴലിൽ; കേന്ദ്രസർക്കാർ പ്രശ്നം കണ്ടില്ലെന്ന് നടിക്കുന്നു'
- സൗദി അറേബ്യയിൽ ഇന്ത്യക്കാരൻ ആക്രമണത്തിൽ കൊല്ലപ്പെട്ടു
