സീരിയല് നടിക്ക് സ്വകാര്യ ഭാഗങ്ങളുടെ ചിത്രങ്ങള് അയച്ചു, നിരന്തരം അശ്ലീല സന്ദേശങ്ങള്: ബംഗലൂരുവില് മലയാളി യുവാവ് പിടിയില്
ബംഗലൂരു: സീരിയല് നടിക്ക് അശ്ലീല സന്ദേശവും ചിത്രങ്ങളും അയച്ചു നല്കി ശല്യപ്പെടുത്തിയ കേസില് മലയാളി യുവാവ് ബംഗലൂരുവില് അറസ്റ്റില്. തെലുങ്ക്, കന്നഡ സീരിയല് നടിയായ 41 കാരിയുടെ പരാതിയിലാണ് അറസ്റ്റ്. നടിയുടെ ലൈംഗികാതിക്രമ പരാതിയില് വൈറ്റ്ഫീല്ഡില് താമസിക്കുന്ന നവീന് കെ മോന് എന്ന യുവാവാണ് പിടിയിലായത്.
കോടതിയില് ഹാജരാക്കിയ ഇയാളെ ജുഡീഷ്യല് കസ്റ്റഡിയില് റിമാന്ഡ് ചെയ്തു. ബംഗലൂരുവിലെ ഗ്ലോബല് ടെക്നോളജി റിക്രൂട്ട്മെന്റ് ഏജന്സിയില് ഡെലിവറി മാനേജര് ആയി ജോലി ചെയ്തുവരികയായിരുന്നു നവീന്. നിരവധി തവണ താക്കീത് നല്കിയിട്ടും സമൂഹമാധ്യമങ്ങള് വഴി അശ്ലീലസന്ദേശങ്ങള് അയച്ചു ശല്യപ്പെടുത്തല് തുടര്ന്നതായി പരാതിയില് വ്യക്തമാക്കുന്നു.
മൂന്നു മാസം മുമ്പാണ് നടിക്ക് നവീന്സ് എന്ന ഫെയ്സ്ബുക്ക് ഐഡിയില് നിന്നും ഫ്രണ്ട് റിക്വസ്റ്റ് ലഭിക്കുന്നത്. റിക്വസ്റ്റ് സ്വീകരിച്ചതിനു പിന്നാലെ നിരന്തരം അശ്ലീല സന്ദേശങ്ങലും സ്വകാര്യഭാഗങ്ങളുടെ ചിത്രങ്ങളും അടക്കം അയച്ചു നല്കിയിരുന്നു. തുടര്ന്ന് നടി ഇയാളുടെ അക്കൗണ്ട് ബ്ലോക്ക് ചെയ്തു. ഇതോടെ പുതിയ അക്കൗണ്ടുകള് വഴി ശല്യം ചെയ്യല് തുടര്ന്നു.യുവാവ് തന്റെ സ്വകാര്യഭാഗങ്ങളുടെ ദൃശ്യങ്ങള് അടക്കം നടിക്ക് അയച്ചു നല്കിയിരുന്നു. നവംബര് ഒന്നിന് വീണ്ടും യുവാവ് അശ്ലീല ചിത്രങ്ങള് അയച്ചു. തുടര്ന്ന് നേരില് കാണണമെന്ന് നടി ആവശ്യപ്പെട്ടു. നേരില് കണ്ടപ്പോള് ഇത്തരത്തില് സന്ദേശങ്ങളും ചിത്രങ്ങളും അയക്കുന്നത് നിര്ത്തണമെന്ന് നടി യുവാവിനോട് കര്ശനമായി ആവശ്യപ്പെട്ടു. എന്നാല് യുവാവ് കൂട്ടാക്കാന് തയ്യാറാകാതിരുന്നതോടെയാണ് നടി പൊലീസില് പരാതി നല്കിയത്.
LATEST NEWS
- യുഡിഎഫ് സ്ഥാനാർത്ഥിയുടെ റോഡ് ഷോയ്ക്കിടയില് രാഹുൽ മാങ്കൂട്ടത്തിലിന്റെ കാര്; അഭിവാദ്യം അർപ്പിച്ച കോൺഗ്രസ് പ്രവർത്തകർ
- പാലായില് ശക്തമായ പ്രചരണം ; ഷോണ് ജോര്ജിന്റെ കൂറ്റന് റാലി; സ്ത്രീകളുടേയും യുവജനങ്ങളുടേയും പങ്കാളിത്തം
- ബേപ്പൂരിൽ അൻവർ- റിയാസ് പോരാട്ടം
- 'പെരുന്നാളിന് നാട്ടിലെത്തേണ്ടവർ യുദ്ധത്തിന്റെ കരിനിഴലിൽ; കേന്ദ്രസർക്കാർ പ്രശ്നം കണ്ടില്ലെന്ന് നടിക്കുന്നു'
- സൗദി അറേബ്യയിൽ ഇന്ത്യക്കാരൻ ആക്രമണത്തിൽ കൊല്ലപ്പെട്ടു
