വ്യാജവാര്ത്ത: റിപ്പോര്ട്ടര് ടിവിക്കെതിരെ 100 കോടി രൂപയുടെ മാനനഷ്ടക്കേസ് നല്കി രാജീവ് ചന്ദ്രശേഖരന്
തിരുവനന്തപുരം: വ്യാജവാര്ത്ത പ്രസിദ്ധീകരിച്ചതിനെ തുടര്ന്ന് റിപ്പോര്ട്ടര് ടി.വി.യ്ക്ക് എതിരേ 100 കോടി രൂപയുടെ മാനനഷ്ടക്കേസ് നല്കി ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര്.
റിപ്പോര്ട്ടര് ഉടമ ആന്റോ അഗസ്റ്റിന്, കണ്സല്റ്റിംഗ് എഡിറ്റര് അരുണ് കുമാര്, കോര്ഡിനേറ്റിംഗ് എഡിറ്റര് സ്മൃതി പരുത്തിക്കാട്, ന്യൂസ് കോര്ഡിനേറ്റര് ജിമ്മി ജയിംസ്, തിരുവനന്തപുരം ബ്യൂറോ ചീഫ് ടി.വി. പ്രസാദ് എന്നിവരടക്കം 9 പേര്ക്കെതിരെയാണ് കേസ്.
രാജീവ് ചന്ദ്രശേഖറിന് ബന്ധമില്ലാത്ത ബി പി എല് എന്ന സ്ഥാപനത്തിന്റെ ഭൂമിയിടപാടുമായി ബന്ധപ്പെടുത്തി, ബി ജെ പി സംസ്ഥാന അധ്യക്ഷന് കൂടിയായ അദ്ദേഹത്തിന്റെ പേര് ദുരുപയോഗം ചെയ്ത് വ്യാജവാര്ത്തകള് തുടര്ച്ചയായി സംപ്രേക്ഷണം ചെയ്തെന്നാണ് ആരോപണം.
മുംബൈ ആസ്ഥാനമായ ആര് എച്ച് പി പാര്ട്ട്നേഴ്സ് എന്ന നിയമസ്ഥാപനം മുഖേന നൂറു കോടി രൂപയുടെ മാനനഷ്ടക്കേസ് നല്കിയത്. ഏഴ് ദിവസത്തിനുള്ളില് വ്യാജവാര്ത്ത പിന്വലിച്ച് മാപ്പ് പറയണമെന്നും നോട്ടീസിലുണ്ട്.
LATEST NEWS
- യുഡിഎഫ് സ്ഥാനാർത്ഥിയുടെ റോഡ് ഷോയ്ക്കിടയില് രാഹുൽ മാങ്കൂട്ടത്തിലിന്റെ കാര്; അഭിവാദ്യം അർപ്പിച്ച കോൺഗ്രസ് പ്രവർത്തകർ
- പാലായില് ശക്തമായ പ്രചരണം ; ഷോണ് ജോര്ജിന്റെ കൂറ്റന് റാലി; സ്ത്രീകളുടേയും യുവജനങ്ങളുടേയും പങ്കാളിത്തം
- ബേപ്പൂരിൽ അൻവർ- റിയാസ് പോരാട്ടം
- 'പെരുന്നാളിന് നാട്ടിലെത്തേണ്ടവർ യുദ്ധത്തിന്റെ കരിനിഴലിൽ; കേന്ദ്രസർക്കാർ പ്രശ്നം കണ്ടില്ലെന്ന് നടിക്കുന്നു'
- സൗദി അറേബ്യയിൽ ഇന്ത്യക്കാരൻ ആക്രമണത്തിൽ കൊല്ലപ്പെട്ടു
