ചെളിക്കുളമായ ഗ്രൗണ്ടിൽ കുട്ടികൾ തെന്നിവീണു; കായിക മേളയിൽ വടംവലി മത്സരം നിർത്തിവെച്ചതിനെതിരെ പ്രതിഷേധം

തിരുവന്തപുരത്ത് നടക്കുന്ന സംസ്ഥാന സ്കൂൾ കായിക മേളയിലെ വടംവലി മത്സരം വിവാദത്തിൽ. ചെളിയും വെള്ളവും നിറഞ്ഞ ഗ്രൗണ്ടിൽ വടംവലി മത്സരം നടത്തിയതാണ് വിവാദമായത്.

വെള്ളായണി കാർഷിക കോളേജ് ഗ്രൗണ്ടിലാണ് മത്സരം നടത്തിയത്. ഈ ​ഗ്രൗണ്ടിൽ ചെളി നിറഞ്ഞിരുന്നു. മത്സരാർത്ഥികൾ മത്സരം തുടങ്ങിയതോടെ ചെളിയിൽ തെന്നിവീഴുകയായിരുന്നു. ഇതോടെ മൂന്ന് മത്സരങ്ങൾ മാത്രം നടത്തി വടംവലി മത്സരം അവസാനിപ്പിച്ചു.

നാളെ മറ്റൊരു വേദിയിൽ മത്സരം നടത്തുമെന്ന് സംഘാടകർ അറിയിച്ചതോടെ പ്രതിഷേധവുമായി ഇന്ന് മത്സരിച്ചു തോറ്റ ടീമുകൾ രം​ഗത്തെത്തി. വീണ്ടും അവസരം നൽകണമെന്നാണ് ഇവർ ഉന്നയിച്ചിരിക്കുന്ന ആവശ്യം.