സ്ഥലം മാറിയെത്തിയ ആദ്യ ദിവസം, വനിതാ ഫോറസ്റ്റ് വാച്ചറെ പീഡിപ്പിക്കാന് ശ്രമം, തൃശൂരില് വനം വകുപ്പ് ഉദ്യോഗസ്ഥന് അറസ്റ്റില്
തൃശൂര്: ആദിവാസി വിഭാഗത്തില്പ്പെട്ട വാച്ചറെ പീഡിപ്പിക്കാന് ശ്രമിച്ച വനംവകുപ്പ് സെക്ഷന് ഫോറസ്റ്റര് അറസ്റ്റില്. വാഴച്ചാല് ഡിവിഷന് പരിധിയിലെ ഷോളയാര് സ്റ്റേഷനിലെ സെക്ഷന് ഫോറസ്റ്റ് ഓഫിസര് കോട്ടയം സ്വദേശി പി.പി. ജോണ്സനെയാണ് (48) അറസ്റ്റ് ചെയ്തത്.
മലക്കപ്പാറയില് ഈ മാസം ആറിനാണ് കേസിനസ്പദമായ സംഭവം. ലൈംഗികമായി പീഡിപ്പിക്കാന് ശ്രമിച്ചു എന്ന വനിതാ വാച്ചറുടെ പരാതിയില് മലക്കപ്പാറ പൊലീസ് ആണ് കേസെടുത്തത്. സംഭവത്തിന് ശേഷം ഒളിവില്പ്പോയ പ്രതിയെ മുക്കംപുഴയില് നിന്നാണ് പൊലീസ് പിടികൂടിയത്.
മലയാറ്റൂര് ഡിവിഷനില്നിന്ന് സ്ഥലം മാറി ഷോളയാര് സ്റ്റേഷനില് എത്തിയ ആദ്യ ദിവസം ആയിരുന്നു സംഭവം. പരാതിയെ തുടര്ന്ന് ലീവെടുത്ത് പോയ ജോണ്സന് ചൊവ്വാഴ്ച വീണ്ടും ഡ്യൂട്ടിക്ക് എത്തിയപ്പോള് മലക്കപ്പാറ എസ്.എച്ച്.ഒയുടെ നേതൃത്വത്തില് അറസ്റ്റ് ചെയ്യുകയായിരുന്നു. പരാതിയുടെ അടിസ്ഥാനത്തില്, സ്ത്രീകള്ക്കെതിരായ അതിക്രമം തടയുന്നതിനുള്ള കര്ശന വകുപ്പുകള് ചുമത്തിയാണ് പോലീസ് കേസെടുത്തിരിക്കുന്നത്. അറസ്റ്റ് രേഖപ്പെടുത്തിയ പ്രതിയെ കോടതിയില് ഹാജരാക്കും.
LATEST NEWS
- ബുദ്ധിമുട്ട് നേതൃത്വത്തോട് പ്രകടിപ്പിച്ചു എന്നതു സത്യം: ജോസഫ് വാഴയ്ക്കന്
- രമേശിന്റെ അനുനയത്തിന് വഴങ്ങി എൽദോസ് കുന്നപ്പിള്ളി; ‘സീറ്റില്ലെന്ന് നേരത്തെ പറയാമായിരുന്നു, സ്വതന്ത്രനായി മത്സരിക്കില്ല’
- വീട്ടുജോലികൾ ഭാര്യയുടെ മാത്രം കടമയല്ല, ഭർത്താവും സഹായിക്കണം: നിരീക്ഷണവുമായി സുപ്രീം കോടതി
- യുഡിഎഫ് സ്ഥാനാർത്ഥിയുടെ റോഡ് ഷോയ്ക്കിടയില് രാഹുൽ മാങ്കൂട്ടത്തിലിന്റെ കാര്; അഭിവാദ്യം അർപ്പിച്ച കോൺഗ്രസ് പ്രവർത്തകർ
- പാലായില് ശക്തമായ പ്രചരണം ; ഷോണ് ജോര്ജിന്റെ കൂറ്റന് റാലി; സ്ത്രീകളുടേയും യുവജനങ്ങളുടേയും പങ്കാളിത്തം
