തിരുവനന്തപുരത്ത് എസ്ഡിപിഐ-സിപിഐഎം സംഘർഷം; ആംബുലൻസ് കത്തിച്ചു

തിരുവനന്തപുരം: നെടുമങ്ങാട് കഴിഞ്ഞ രാത്രി എസ്ഡിപിഐ (SDPI) പ്രവർത്തകരും സിപിഐഎം (CPIM) പ്രവർത്തകരും തമ്മിൽ ഏറ്റുമുട്ടലുണ്ടായി. സംഘർഷത്തിൽ ഒരു ആംബുലൻസ് കത്തിക്കുകയും മറ്റൊന്ന് തകർക്കുകയും ചെയ്തു. സിപിഐഎം ബ്രാഞ്ച് സെക്രട്ടറിയെ എസ്ഡിപിഐ പ്രവർത്തകർ ആക്രമിച്ചതിനെ തുടർന്നാണ് എസ്ഡിപിഐ പ്രവർത്തകരുടെ വീടുകളും ഒരു ആംബുലൻസും ആക്രമിക്കപ്പെട്ടതെന്നാണ് റിപ്പോർട്ട്. ഇതിന് പ്രതികാരമായി സിപിഐഎമ്മിന്റെ യുവജന വിഭാഗമായ ഡി വൈ എഫ് ഐ (DYFI) ഓപ്പറേറ്റ് ചെയ്യുന്ന ഒരു ആംബുലൻസും കത്തിച്ചു. നിലവിൽ, പ്രദേശത്തെ സാഹചര്യം നിയന്ത്രണവിധേയവും ശാന്തവുമാണ്. സംഭവത്തിൻ്റെ ദൃശ്യങ്ങൾ പുറത്തു വന്നിട്ടുണ്ട്.