ഹെഡ്ഗേവാറിന് ഭാരതരത്നം; ശുപാർശ ചെയ്ത് ബിജെപി നേതാവ് ജമാല് സിദ്ദിഖി
ന്യൂഡല്ഹി: ആര്എസ്എസ് സ്ഥാപകന് കേശവ് ബലിറാം ഹെഡ്ഗേവാറിന് ഇന്ത്യയുടെ പരമോന്നത സിവിലിയന് ബഹുമതിയായ ഭാരതരത്ന നല്കുന്നത് പരിഗണിക്കണമെന്ന് ബിജെപി നേതാവും പാര്ട്ടിയുടെ ന്യൂനപക്ഷ വിഭാഗം തലവനുമായ ജമാല് സിദ്ദിഖി. രാഷ്ട്രപതി ദ്രൗപദി മുര്മുവിന് ഇക്കാര്യം ആവശ്യപ്പെട്ട് സിദ്ദിഖി കത്തെഴുതി.
ഹെഡ്ഗേവാര് മഹാനായ സ്വാതന്ത്ര്യസമര സേനാനിയും രാഷ്ട്രനിര്മാണ ശില്പിയുമാണെന്നും സിദ്ദിഖി വിശേഷിപ്പിച്ചു. ഹെഡ്ഗേവാറിനെ ആദരിക്കുന്നതിലൂടെ ഇന്ത്യ അദ്ദേഹത്തിന്റെ 'വിലമതിക്കാനാവാത്ത സംഭാവനകളെ' അംഗീകരിക്കുക മാത്രമല്ല, യുവജനങ്ങള്ക്കിടയില് ദേശീയതയുടെ ആദര്ശങ്ങള് വളര്ത്തുകയും ചെയ്യുമെന്നും സിദ്ദിഖി പറഞ്ഞു. സ്വാതന്ത്ര്യസമരത്തിലെ നേരിട്ടുള്ള പങ്കാളിത്തം, രാഷ്ട്രനിര്മാണത്തിലെ സംഘടനാപരമായ കഴിവുകള്, ഇന്ത്യന് സമൂഹത്തിനായുള്ള അദ്ദേഹത്തിന്റെ ഏകീകരണ കാഴ്ചപ്പാട് എന്നിവ കണക്കിലെടുക്കുമ്പോള് അദ്ദേഹത്തെ ഭരതരത്ന നല്കി ആദരിക്കുക എന്നത് ഏറ്റവും ഉചിതമായിരിക്കുമെന്ന് അദ്ദേഹം പറഞ്ഞു .
1989-ല് ജനിച്ച ഹെഡ്ഗേവാര് കല്ക്കട്ടയില് (ഇപ്പോഴത്തെ കൊല്ക്കത്ത) മെഡിക്കല് വിദ്യാര്ഥിയായിരിക്കെ അനുശീലന് സമിതി എന്ന വിപ്ലവസംഘടനയില് ചേര്ന്നു. 1925-ലെ വിജയദശമി ദിനത്തില് അദ്ദേഹം ആര്എസ്എസ് സ്ഥാപിക്കുകയും ചെയ്തു.1921-ല് പ്രസംഗങ്ങളുടെ പേരില് അദ്ദേഹത്തെ രാജ്യദ്രോഹക്കുറ്റം ചുമത്തി അറസ്റ്റ് ചെയ്യുകയും ഒരു വര്ഷം തടവിന് ശിക്ഷിക്കുകയും ചെയ്തുവെന്നും സിദ്ദിഖി പറഞ്ഞു.
LATEST NEWS
- സിഎസ്ഐ ദക്ഷിണ കേരള മഹാഇടവകയ്ക്ക് പുതിയ ഇടയൻ; റവ.പ്രിൻസ്റ്റൺ ബെൻ പുതിയ ബിഷപ്പ്
- ബിജെപി സിപിഎം ഡീല് ആരോപണം ; കോണ്ഗ്രസിന്റെ നെറികെട്ട രാഷ്ട്രീയമെന്ന് രാജീവ് ചന്ദ്രശേഖര് ; ബിജെപിയ്ക്ക് നിര്ണ്ണായക തെരഞ്ഞെടുപ്പ്
- വിഷു പ്രമാണിച്ച് ക്ഷേമ പെൻഷൻ വിതരണം നേരത്തെ; ബുധനാഴ്ച മുതൽ വിതരണം ചെയ്യും
- യുഎഇയിൽ കർശന പരിശോധന, ലക്ഷങ്ങൾ കൈവശം വെച്ച 118 ഭിക്ഷാടകർ അബുദാബിയിൽ പിടിയിൽ
- സോഫ്റ്റ് ഡ്രിങ്ക് കുപ്പികളുമായി പോയ ട്രക്ക് മറിഞ്ഞു; മദ്യമെന്ന് കരുതി മോഷ്ടിക്കാനെത്തിയത് നൂറുകണക്കിനാളുകൾ
