പ്രിയപ്പെട്ട ലാൽ...ഈ നിമിഷം ലോകമെങ്ങുമുള്ള അനേകകോടി മലയാളികളിലൊരുവനായി ഞാനും കൈകൂപ്പുന്നു; ഷാജി കൈലാസ്
ഇന്ത്യന് സിനിമയുടെ പരമോന്നത ബഹുമതിയായ ദാദാ സാഹേബ് ഫാല്ക്കെ പുരസ്കാരം ലഭിച്ച മോഹന്ലാലിനെ അഭിനന്ദിച്ച് സംവിധായകന് ഷാജി കൈലാസ്. പ്രിയപ്പെട്ട ലാല് ഈ നിമിഷം ലോകമെങ്ങുമുള്ള അനേകകോടി മലയാളികളിലൊരുവനായി ഞാനും കൈകൂപ്പുന്നു എന്നായിരുന്നു ഷാജി കൈലാസ് മോഹന്ലാലിനൊപ്പമുളള ചിത്രം പങ്കുവെച്ച് ഫെയ്സ്ബുക്കില് കുറിച്ചത്.
‘പ്രിയപ്പെട്ട ലാല്...ഈ നിമിഷം ലോകമെങ്ങുമുള്ള അനേകകോടി മലയാളികളിലൊരുവനായി ഞാനും കൈകൂപ്പുന്നു. ഞങ്ങള് താങ്കളോട് കടപ്പെട്ടിരിക്കുന്നു. ഇത്രയും കാലം തന്ന ആനന്ദനിമിഷങ്ങള്ക്ക്..അഭിനയവിസ്മയങ്ങള്ക്ക്...ചിരികള്ക്ക്..
ഇത് ഞാനാണല്ലോ എന്ന് തോന്നിപ്പിച്ച വെള്ളിത്തിരയിലെ കണ്ണീരിന്..ഏറ്റവുമൊടുവില് മലയാളത്തിന്റെ മുറ്റത്തേക്ക് ഇന്ത്യന് സിനിമയുടെ പരമോന്നത പുരസ്കാരം എത്തിച്ചതിന്....ഈ യാത്രയിലെവിടെയോ താങ്കള്ക്കൊപ്പം ഉണ്ടായിരുന്നതില് അഭിമാനിക്കുന്നു.
അഭിനയത്തിന്റെ ആറാംതമ്പുരാനായി രാജ്യം താങ്കളെ ആദരിക്കുമ്പോള് അതുകണ്ട് മാറിനിന്നു സന്തോഷിക്കുകയാണ് ഞാന്. ചലച്ചിത്രയാത്രയില് സഹയാത്രികനായി ഒപ്പം ചേര്ത്തതിനും എന്റെ ക്യാമറയ്ക്ക് മുന്നില് ഇതിഹാസങ്ങള് സൃഷ്ടിച്ചുതന്നതിനും നന്ദി. അവിരാമം തുടരുക...ഇനിയും ഉയരങ്ങള് നിങ്ങള്ള്ക്കായി ബാക്കിനില്കുന്നു..സ്നേഹം,സന്തോഷം,സാഫല്യം...’ഷാജി കൈലാസ് കുറിച്ചു.
LATEST NEWS
- ' കഴുത' ; അധിക്ഷേപ കമന്റിന്ചുട്ട മറുപടി നല്കി മീനാക്ഷി
- ഗംഭീര അഡ്വാൻസ് ബുക്കിങ്ങുമായി "ആട് 3"; ചിത്രത്തിന്റെ ആഗോള റിലീസ് മാർച്ച് 19ന്
- എല്പിജി പ്രതിസന്ധിയില് അക്ഷയ് കുമാറിന്റെ മുന്കരുതല്; ഭാര്യ വീട്ടിലേക്ക് രണ്ട് ഇന്ഡക്ഷന് അടുപ്പുകള് വാങ്ങിയെന്ന് താരം
- അവര്ക്ക് ഇതിലൊന്നും ഒരു നാണക്കേടും തോന്നുന്നില്ല, ബോളിവുഡ് എല്ലാ പരിധികളും ലംഘിച്ചു; ‘കെഡി’യിലെ ഗാനത്തെ രൂക്ഷമായി വിമര്ശിച്ച് കങ്കണ
- ' ധുരന്ധര് 2 ഇന്ത്യന് സിനിമയുടെ ഭാവി തീരുമാനിക്കും' ; ആരാധകരെ ആവേശത്തിലാക്കി രണ്വീര് സിങിന്റെ വാക്കുകള്
