' വ്യാജവാര്ത്തകള് വിശ്വസിക്കരുത്' ; ' ലോക' ഉടന് ഒടിടിയിലേക്ക് ഇല്ലെന്ന് ദുല്ഖര് സല്മാന്
കല്യാണി പ്രിയദര്ശന് പ്രധാന കഥാപാത്രമായി എത്തിയ ലോക: ചാപ്റ്റര് വണ്- ചന്ദ്ര റെക്കോഡ് കളക്ഷന് നേടി കുതിപ്പ് തുടരുകയാണ്. ദുല്ഖര് സല്മാന്റെ വെഫെറര് ഫിലിംസ് നിര്മ്മിച്ച ചിത്രത്തില് നസ്ലെന്, ചന്തു സലിംകുമാര്, അരുണ് കുര്യന് എന്നിവരും പ്രധാന വേഷങ്ങളിലെത്തുന്നുണ്ട്.
ലോകയ്ക്കൊപ്പം ഓണം റിലീസായി എത്തിയ മോഹന്ലാല് ചിത്രം ഹൃദയപൂര്വത്തിന്റെ ഒ.ടി.ടി റിലീസ് കഴിഞ്ഞ ദിവസം പ്രഖ്യാപിച്ചിരുന്നു. ചിത്രം സെപ്റ്റംബര് 26ന് ജിയോ ഹോട്ട്സ്റ്റാറില് സ്ട്രീമിംഗ് തുടങ്ങും എന്നാണ് അറിയിച്ചിരിക്കുന്നത്. ഇതിന് പിന്നാലെ ലോകയും ഒ.ടി.ടി റിലീസായി ഉടന് എത്തും എന്ന് സോഷ്യല് മീഡിയയില് വാര്ത്ത പരന്നിരുന്നു. ഇപ്പോഴിതാ ഇക്കാര്യത്തില് വ്യക്തത വരുത്തിയിരിക്കുകയാണ് ദുല്ഖര് സല്മാന്. ലോക ഉടന് ഒ.ടി.ടിയിലേക്കില്ലെന്ന് ദുല്ഖര് സോഷ്യല് മീഡിയയിലൂടെ അറിയിച്ചു. ' ലോക അടുത്തെങ്ങും ഒ.ടി.ടിയില് വരില്ല, വ്യാജവാര്ത്തകള് വിശ്വസിക്കരുതെന്നും ഔദ്യോഗിക പ്രഖ്യാപനങ്ങള്ക്കായി കാത്തിരിക്കാനും ഫേസ്ബുക്ക് കുറിപ്പില് ദുല്ഖര് വ്യക്തമാക്കി.
ഡൊമിനിക് അരുണ് സംവിധാനം ചെയ്ത ലോക മലയാളത്തിലെ ആദ്യത്തെ ലേഡി സൂപ്പര് ഹീറോ ചിത്രമാണ്. അഞ്ച് ഭാഗങ്ങളുളള സിനിമാറ്റിക് യൂണിവേഴ്സിലെ ആദ്യചിത്രമായാണ് ലോക എത്തിയിരിക്കുന്നത്.
LATEST NEWS
- ' കഴുത' ; അധിക്ഷേപ കമന്റിന്ചുട്ട മറുപടി നല്കി മീനാക്ഷി
- ഗംഭീര അഡ്വാൻസ് ബുക്കിങ്ങുമായി "ആട് 3"; ചിത്രത്തിന്റെ ആഗോള റിലീസ് മാർച്ച് 19ന്
- എല്പിജി പ്രതിസന്ധിയില് അക്ഷയ് കുമാറിന്റെ മുന്കരുതല്; ഭാര്യ വീട്ടിലേക്ക് രണ്ട് ഇന്ഡക്ഷന് അടുപ്പുകള് വാങ്ങിയെന്ന് താരം
- അവര്ക്ക് ഇതിലൊന്നും ഒരു നാണക്കേടും തോന്നുന്നില്ല, ബോളിവുഡ് എല്ലാ പരിധികളും ലംഘിച്ചു; ‘കെഡി’യിലെ ഗാനത്തെ രൂക്ഷമായി വിമര്ശിച്ച് കങ്കണ
- ' ധുരന്ധര് 2 ഇന്ത്യന് സിനിമയുടെ ഭാവി തീരുമാനിക്കും' ; ആരാധകരെ ആവേശത്തിലാക്കി രണ്വീര് സിങിന്റെ വാക്കുകള്
