സിനിമയെ ശ്വസിക്കുകയും സിനിമയില് തന്നെ ജീവിക്കുകയും ചെയ്യുന്ന യഥാര്ത്ഥ കലാകാരന് ലഭിച്ചിരിക്കുന്ന അംഗീകാരം: മോഹന്ലാലിനെ അഭിനന്ദിച്ച് മമ്മൂട്ടി
ഇന്ത്യന് സിനിമയിലെ പരമോന്നത പുരസ്കാരമായ ദാദാ സാഹേബ് ഫാല്ക്കേ അവാര്ഡ് നേടിയ മോഹന്ലാലിനെ അഭിനന്ദിച്ച് മമ്മൂട്ടി. മോഹന്ലാലിന് അവാര്ഡ് ലഭിച്ചതില് ഏറെ സന്തോഷവും അഭിമാനവുമുണ്ടെന്ന് അദ്ദേഹം സോഷ്യല് മീഡിയയില് കുറിച്ചു.
മമ്മൂട്ടിയുടെ കുറിപ്പ്:
ഒരു സഹപ്രവര്ത്തകന് എന്നതിലുപരി താങ്കള് എന്റെ സഹോദരനാണ്, സിനിമയോടൊപ്പം ദശാബ്ദങ്ങളായി സഞ്ചരിക്കുന്ന കലാകാരനാണ്. നടന് എന്ന നിലയില് മാത്രമല്ല ദാദാ സാഹിബ് ഫാല്ക്കേ അവാര്ഡ് താങ്കള്ക്ക് ലഭിച്ചിരിക്കുന്നത്. സിനിമയെ ശ്വസിക്കുകയും സിനിമയില് തന്നെ ജീവിക്കുകയും ചെയ്യുന്ന യഥാര്ത്ഥ കലാകാരന് ലഭിച്ചിരിക്കുന്ന അംഗീകാരം കൂടിയാണിത്. ലാല്, നിങ്ങളെ കുറിച്ചോര്ത്ത് ഏറെ സന്തോഷവും അഭിമാനവും തോന്നുന്നുണ്ട്. ഈ കിരീടം നിങ്ങള് തീര്ച്ചയായും അര്ഹിക്കുന്നുണ്ട്.
2023ലെ പുരസ്കാരത്തിനാണ് മോഹന്ലാല് ഇപ്പോള് അര്ഹനായത്. സെപ്തംബര് 23 നടക്കുന്ന ദേശീയ പുരസ്കാര വിതരണ ചടങ്ങില് വെച്ച് പുരസ്കാരം സമ്മാനിക്കും. അടൂര് ഗോപാലകൃഷ്ണന് ശേഷം ദാദാസാഹേബ് പുരസ്കാരം ലഭിക്കുന്ന മലയാളിയാണ് മോഹന്ലാല്.
ഇന്ത്യന് ചലച്ചിത്രത്തിന്റെ പിതാവ് എന്നറിയപ്പെടുന്ന ദാദാ സാഹേബ് ഫാല്ക്കെയുടെ സ്മരണാര്ത്ഥം 1969 മുതല് കേന്ദ്ര സര്ക്കാര് നല്കുന്ന ഏറ്റവും വലിയ ചലച്ചിത്ര പുരസ്കാരമാണ് ദാദാ സാഹേബ് ഫാല്ക്കെ പുരസ്കാരം.
LATEST NEWS
- ' കഴുത' ; അധിക്ഷേപ കമന്റിന്ചുട്ട മറുപടി നല്കി മീനാക്ഷി
- ഗംഭീര അഡ്വാൻസ് ബുക്കിങ്ങുമായി "ആട് 3"; ചിത്രത്തിന്റെ ആഗോള റിലീസ് മാർച്ച് 19ന്
- എല്പിജി പ്രതിസന്ധിയില് അക്ഷയ് കുമാറിന്റെ മുന്കരുതല്; ഭാര്യ വീട്ടിലേക്ക് രണ്ട് ഇന്ഡക്ഷന് അടുപ്പുകള് വാങ്ങിയെന്ന് താരം
- അവര്ക്ക് ഇതിലൊന്നും ഒരു നാണക്കേടും തോന്നുന്നില്ല, ബോളിവുഡ് എല്ലാ പരിധികളും ലംഘിച്ചു; ‘കെഡി’യിലെ ഗാനത്തെ രൂക്ഷമായി വിമര്ശിച്ച് കങ്കണ
- ' ധുരന്ധര് 2 ഇന്ത്യന് സിനിമയുടെ ഭാവി തീരുമാനിക്കും' ; ആരാധകരെ ആവേശത്തിലാക്കി രണ്വീര് സിങിന്റെ വാക്കുകള്
