ഇളയ മകള് അലീസയുടെ പിറന്നാള് ദിനത്തില് ഹൃദയസ്പര്ശിയായ കുറിപ്പ് പങ്കിട്ട് സുസ്മിത സെന്
ഇളയ മകള് അലീസയുടെ പിറന്നാള് ദിനത്തില് ഹൃദയസ്പര്ശിയായ കുറിപ്പ് പങ്കിട്ട് നടി സുസ്മിത സെന്. മകള്ക്കൊപ്പമുളള മനോഹരമായ ഒരു കൂട്ടം ചിത്രങ്ങളും നടി ഇന്സ്റ്റഗ്രാമില് പങ്കുവെച്ചിട്ടുണ്ട്.
‘പതിനാറാം ജന്മദിനാശംസകള് ഷോണ, എനിക്കറിയാവുന്ന ഏറ്റവും മധുരമുളള പതിനാറ്... ഇല്ല , ഞാന് പക്ഷപാതപരനല്ല, മനോഹരമായ ആത്മാവിന്റെ, ഏറ്റവും ദയയുളള ഹൃദയത്തിന്റെയും ഏറ്റവും സ്നേഹനിര്ഭരമായ സാന്നിധ്യത്തിന്റെയും വളരെ അഭിമാനിയായ അമ്മ. ഇനിയും ഒരുപാട് വരാനിരിക്കുന്നുണ്ടെന്ന് അറിഞ്ഞുകൊണ്ട് നിങ്ങളുടെ എല്ലാ നേട്ടങ്ങള്ക്കും ഞാന് അത്ഭുതത്തോടെ സാക്ഷ്യം വഹിക്കുന്നു. എത്ര മാന്ത്രികമായ ഒരു വര്ഷം നിങ്ങളെ കാത്തിരിക്കുന്നു എന്റെ ഷോണ , ദൈവം എപ്പോഴും നിങ്ങള്ക്ക് ഏറ്റവും മികച്ച അനുഗ്രഹങ്ങള് നല്കട്ടെ... നിങ്ങളുടെ വിധി നിങ്ങളെപ്പോലെ മനോഹരമാകട്ടെ ’സുസ്മിത കുറിച്ചു.
അലീസയുടെ രണ്ട് ക്യൂട്ട് വീഡിയോയും താരം പങ്കുവെച്ചിട്ടുണ്ട്. സമാധാനം, സ്നേഹം സന്തോഷം, മധുര പതിനാറ്, അലീസ എന്ന അനുഗ്രഹം എന്നാണ് വീഡിയോയ്ക്ക് ക്യാപ്ഷനായി നടി നല്കിയിരിക്കുന്നത്.
മറ്റൊരു വീഡിയോയില് അലീസ എന്ന ഈ അത്ഭുതത്തിനായി ഞാന് 10 വര്ഷമായി കാത്തിരുന്നു, നിന്നെ ഞാന് വളരെയധികം സ്നേഹിക്കുന്നു എന്നാണ് അടിക്കുറിപ്പായി നല്കിയിരിക്കുന്നത്.
2010 ലാണ് സുസ്മിത അലീസയെ ദത്തെടുക്കുന്നത്. അലിഷയെ കൂടാതെ റെനീ എന്ന ഒരു മകള് കൂടിയുണ്ട് സുസ്മിതയ്ക്ക്. 2000 ലായിരുന്നു നടി റെനിയെ ദത്തെടുത്തത്. രണ്ട് പെണ്മക്കളെ ഒറ്റയ്ക്ക് വളര്ത്തുന്ന അമ്മ എന്ന നിലയില് തന്റെ അനുഭവത്തെക്കുറിച്ച് സുസ്മിത പലപ്പോഴായി തുറന്നു പറഞ്ഞിട്ടുണ്ട്.
അതേസമയം മൂത്ത മകളായ റെനീ ഒരു നടിയെന്ന നിലയില് സ്വന്തം പാതകെട്ടിപ്പടുക്കുന്ന തിരക്കിലാണ്. ഇതിനകം തന്നെ നിരവധി പ്രോജക്ടുകളില് റെനീ പ്രവര്ത്തിച്ചിട്ടുണ്ട്.
LATEST NEWS
- ‘ഒരാളുടെ സ്വകാര്യ ജീവിതം തലക്കെട്ടുകളാക്കും മുമ്പ് ഔദ്യോഗിക സ്ഥിരീകരണത്തിന് കാത്തിരിക്കൂ; ‘44’ ഹൈലൈറ്റ് ചെയ്യുന്നതെന്തിന്?...’ അനുഷ്ക ഷെട്ടിയുടെ വിവാഹവാർത്ത അപ്പാടെ തള്ളി താരത്തിന്റെ ടീം
- ‘പാപ്പന്സ് സ്റ്റൈൽ അലേർട്ട്...’; 2 നിറങ്ങൾ സമന്വയിപ്പിച്ച കുർത്തയിലും മുണ്ടിലുമുള്ള സിഗ്നേച്ചര് ലുക്ക് പങ്കിട്ട് ജയസൂര്യ; സരിതയുടെ ഡിസൈന് ഇത്തവണയും മാസ്സ് എന്ന് കമന്റുകള്
- ' കാലങ്ങളായുളള സ്വപ്നം, എന്റെ ഹൃദയം നിറയുന്നു' ; മരത്തിന് മുകളില് കഫേ തുടങ്ങിയ സന്തോഷം പങ്കുവച്ച് ഹരീഷ് ഉത്തമന്
- ‘വെല്ലുവിളി നിറഞ്ഞ ആഴമേറിയ ക്ഷീണിപ്പിക്കുന്ന വേദന കടന്നുപോയി; ഇനി വേദനയുടെ പുതിയ ലോകത്തേക്ക്, ശക്തയായി തിരിച്ചു വരും...’ ആശുപത്രിക്കിടയില് നിന്ന് നടി റോഷ്ന റോയ്
- അനിയന് പിറന്നാള് ആശംസകളുമായി അനുപമ പരമേശ്വരന്; കുട്ടിക്കാല ചിത്രങ്ങള് പങ്കുവെച്ച് താരം
