ഉത്തരാഖണ്ഡിലെ വെളളപ്പൊക്കത്തില് ദുരിതമനുഭവിക്കുന്ന കുടുംബങ്ങള്ക്ക് ഫോണുകള് സംഭാവന ചെയ്ത് നടന് ഫര്ഹാന് അക്തര്
ഉത്തരാഖണ്ഡില് അടുത്തിടെയുണ്ടായ വെളളപ്പൊക്കത്തില് ദുരിതമനുഭവിക്കുന്ന കുടുംബങ്ങളെ സഹായിക്കാന് നടനും ചലച്ചിത്ര നിര്മാതാവുമായ ഫര്ഹാന് അക്തര്. ഉത്തരാഖണ്ഡിലെ ഹര്സില്, ധരാലി ജില്ലകളിലെ താമസക്കാരെ സഹായിക്കുന്നതിനായി നടന് 50 ഫോണുകള് സംഭാവന ചെയ്തതായാണ് റിപ്പോര്ട്ട്.
ഗുരുഗ്രാം ആസ്ഥാനമായുളള സംഘടനയായ ഭരത് ഡിസാസ്റ്റര് റിലീഫ് ഫൗണ്ടേഷന് സഹായം അഭ്യര്ഥിച്ചതിനെത്തുടര്ന്ന് ഫര്ഹാന് ഏകദേശം 7, 000 രൂപ വിലമതിക്കുന്ന 50 ഫോണുകള് നല്കുകയായിരുന്നു. ആഗസ്റ്റ് 10ന് സംഘടനയിലെ ദിവ്യാന്ഷു എന്ന വ്യക്തിയാണ് ഫര്ഹാന് സന്ദേശം അയച്ചത്.
വെളളപ്പൊക്കത്തില് ആളുകള്ക്ക് അവരുടെ കുടുംബങ്ങളുമായും ബന്ധുക്കളുമായും ബന്ധം നഷ്ടപ്പെട്ടതിനാല് അത് പുനഃസ്ഥാപിക്കാനും അവരുടെ അവസ്ഥ പരസ്പരം അറിയിക്കാനും ഈ ഫോണുകള് അവരെ സഹായിച്ചു. മൊബൈല് കണക്റ്റിവിറ്റിയുടെ അഭാവം അതിജീവിച്ചവരില് ഒരു പ്രധാന പ്രശ്നമായി ഉയര്ന്നുവന്നിരുന്നു. മോശം കാലാവസ്ഥ കാരണം, പലരും താല്ക്കാലിക ഷെല്ട്ടറുകളിലേക്ക് മാറി.
ആശയവിനിമയ മാര്ഗങ്ങളുടെ അഭാവം കുടുംബങ്ങള്ക്ക് പരസ്പരം സുരക്ഷയെക്കുറിച്ച് ഉറപ്പുനല്കുന്നതിനോ അധിക സഹായം അഭ്യര്ഥിക്കുന്നതിനോ ബുദ്ധിമുട്ടാക്കി. ദിവസങ്ങളോളം ഒറ്റപ്പെട്ടതിനുശേഷം തങ്ങളുടെ പ്രിയപ്പെട്ടവരുമായി വീണ്ടും സംസാരിക്കുമ്പോള് ആളുകള്ക്ക് ആശ്വാസം തോന്നിയെന്നും ഒറ്റപ്പെടല് കുറഞ്ഞെന്നും ഒരു വളണ്ടിയര് പറഞ്ഞു.
LATEST NEWS
- ‘ഒരാളുടെ സ്വകാര്യ ജീവിതം തലക്കെട്ടുകളാക്കും മുമ്പ് ഔദ്യോഗിക സ്ഥിരീകരണത്തിന് കാത്തിരിക്കൂ; ‘44’ ഹൈലൈറ്റ് ചെയ്യുന്നതെന്തിന്?...’ അനുഷ്ക ഷെട്ടിയുടെ വിവാഹവാർത്ത അപ്പാടെ തള്ളി താരത്തിന്റെ ടീം
- ‘പാപ്പന്സ് സ്റ്റൈൽ അലേർട്ട്...’; 2 നിറങ്ങൾ സമന്വയിപ്പിച്ച കുർത്തയിലും മുണ്ടിലുമുള്ള സിഗ്നേച്ചര് ലുക്ക് പങ്കിട്ട് ജയസൂര്യ; സരിതയുടെ ഡിസൈന് ഇത്തവണയും മാസ്സ് എന്ന് കമന്റുകള്
- ' കാലങ്ങളായുളള സ്വപ്നം, എന്റെ ഹൃദയം നിറയുന്നു' ; മരത്തിന് മുകളില് കഫേ തുടങ്ങിയ സന്തോഷം പങ്കുവച്ച് ഹരീഷ് ഉത്തമന്
- ‘വെല്ലുവിളി നിറഞ്ഞ ആഴമേറിയ ക്ഷീണിപ്പിക്കുന്ന വേദന കടന്നുപോയി; ഇനി വേദനയുടെ പുതിയ ലോകത്തേക്ക്, ശക്തയായി തിരിച്ചു വരും...’ ആശുപത്രിക്കിടയില് നിന്ന് നടി റോഷ്ന റോയ്
- അനിയന് പിറന്നാള് ആശംസകളുമായി അനുപമ പരമേശ്വരന്; കുട്ടിക്കാല ചിത്രങ്ങള് പങ്കുവെച്ച് താരം
