ഏഴ് വയസുകാരനെ പീഡിപ്പിച്ചു: പ്രതിക്ക് 45 വർഷം കഠിനതടവും 2.5 ലക്ഷം രൂപ പിഴയും

photo; representative image

മലപ്പുറം : ഏഴ് വയസുകാരനെ പ്രകൃതിവിരുദ്ധ ലൈംഗിക പീഡനത്തിന് ഇരയാക്കിയ കേസിൽ പ്രതിക്ക് 45 വർഷം കഠിനതടവും 2.5 ലക്ഷം രൂപ പിഴയും. എടപ്പറ്റ സ്വദേശി സുകുമാരനാണ് മഞ്ചേരി പോക്സോ സ്പെഷ്യൽ കോടതി ജഡ്ജി എ വി നാരായണൻ ശിക്ഷ വിധിച്ചത്. 2020 മാർച്ച് രണ്ടിനാണ് കേസിനാസ്പദമായ സംഭവം നടന്നത്.

സുകുമാരൻ താൻ താമസിച്ചിരുന്ന വാടക ക്വാർട്ടേഴ്സിലേക്ക് കുട്ടിയെ മൊബൈലിൽ അശ്ലീല വിഡിയോ കാണിച്ചുകൊണ്ട് വിളിച്ചുവരുത്തി പീഡിപ്പിക്കുകയായിരുന്നു. ഏഴ് വയസ് മാത്രം പ്രായമുള്ള കുട്ടിയെ ലൈംഗികമായി പീഡിപ്പിക്കണമെന്ന ഉദ്ദേശത്തോടെയാണ് പ്രതി ഈ ക്രൂരകൃത്യം ചെയ്തതെന്ന് പ്രോസിക്യൂഷൻ വാദിച്ചു.

കുട്ടിയുടെ ശാരീരികവും മാനസികവുമായ അവസ്ഥയിൽ ആഴത്തിലുള്ള ആഘാതമുണ്ടാക്കിയെന്നും പ്രോസിക്യൂഷൻ ചൂണ്ടിക്കാട്ടി. പോക്സോ നിയമത്തിലെ വിവിധ വകുപ്പുകൾ പ്രകാരമാണ് പ്രതിക്കെതിരെ കേസ് രജിസ്റ്റർ ചെയ്തതിരുന്നതെന്ന് പബ്ലിക് പ്രോസിക്യൂട്ടർ ശ്യാം പറഞ്ഞു.