' ഊഷ്മളതയും സന്തോഷവും നിറഞ്ഞ ദിവസം ആശംസിക്കുന്നു' ; സുരേഷ് ഗോപിയ്ക്ക് പിറന്നാള്‍ ആശംസിച്ച് മോഹന്‍ലാല്‍

നടനും കേന്ദ്രമന്ത്രിയുമായ സുരോഷ് ഗോപിയുടെ പിറന്നാള്‍ ആണ് ഇന്ന്. ഈയവസരത്തില്‍ അദ്ദേഹത്തിന് ആശംസകള്‍ നേര്‍ന്നിരിക്കുകയാണ് സിനിമാലോകം.

നടന്‍ മോഹന്‍ലാലും സുരേഷ് ഗോപിയ്ക്ക് പിറന്നാള്‍ ആശംസിച്ച് സോഷ്യല്‍ മീഡിയയില്‍ പോസ്റ്റ് പങ്കുവെച്ചിട്ടുണ്ട്. ' ജന്മദിനാശംസകള്‍, പ്രിയപ്പെട്ട സുരേഷ്, ഊഷ്മളതയും സന്തോഷവും നിറഞ്ഞ ഒരു ദിവസം ആശംസിക്കുന്നു. കൂടാതെ മറ്റുളളവരിലേക്ക് നിങ്ങള്‍ കൊണ്ടുവരുന്ന ദയ, ശകതി, പ്രകാശം എന്നിവ പ്രതിഫലിക്കുന്ന ഒരു വര്‍ഷവും നിങ്ങള്‍ക്ക് ആശംസിക്കുന്നു' , മോഹന്‍ലാല്‍ കുറിച്ചു.

അതേസമയം പ്രവീണ്‍ നാരായണന്‍ തിരക്കഥയെഴുതി സംവിധാനം െചയ്യുന്ന ജെഎസ്‌കെയാണ് സുരേഷ് ഗോപിയുടെ റിലീസ് കാത്തിരിക്കുന്ന ചിത്രം. ഷിബിന്‍ ഫ്രാന്‍സിസിന്റെ തിരക്കഥയില്‍ മാത്യൂസ് തോമസ് സംവിധാനം ചെയ്യുന്ന ഒറ്റക്കൊമ്പന്‍ എന്ന ചിത്രമാണ് മറ്റൊന്ന്. ഇതിന്റെ ചിത്രീകരണം പുരോഗമിക്കുകയാണ്.