ബലാക്കോട്ട് ആക്രമണത്തില് വിംഗ് കമാന്റര് അഭിനന്ദനെ പിടികൂടിയ പാക് സൈനികന് താലിബാന് ആക്രമണത്തില് കൊല്ലപ്പെട്ടു
ഇസ്ലമാബാദ്: ഇന്ത്യന് യുദ്ധവിമാന പൈലറ്റ് അഭിനന്ദന് വര്ധമാനെ പിടികൂടിയ പാകിസ്താന് സൈനികന് താലിബാനുമായുള്ള ഏറ്റമുട്ടലില് കൊല്ലപ്പെട്ടു. പാക് സൈനികനായ മേജര് സയ്യീദ് മോയിസ് അബ്ബാസ് ഷാ (37) യാണ് കൊല്ലപ്പെട്ടത്. ഏറ്റുമുട്ടലില് പാകിസ്താന്റെ മറ്റൊരു സൈനികനായ ലാന്സ് നായിക് ജിബ്രാന് ഉല്ലാഹും(27)കൊല്ലപ്പെട്ടതായി മാധ്യമങ്ങള് റിപ്പോര്ട്ട് ചെയ്യുന്നു.
2019 ബാലക്കോട്ട് ആക്രമണത്തിന് പിന്നാലെയായിരുന്നു വിങ് കമാന്ഡര് അഭിനന്ദന് വര്ധമാന് പാക് സൈന്യത്തിന്റെ പിടിയിലാകുന്നത്. ന്ന് വര്ധമാനെ പിടികൂടിയത് മോയിസ് അബ്ബാസ് ഷാ ആയിരുന്നുവെന്നായിരുന്നു റിപ്പോര്ട്ടുകള്. അഭിനന്ദന് പറത്തിയ മിഗ്-24 വിമാനം പാകിസ്താന് വെടിവെച്ചിടുകയായിരുന്നു. മിഗ് വിമാനം തകര്ന്ന് പാക് ഭൂമിയില് പാരച്യൂട്ടില് വന്നിറങ്ങിയ വര്ധമാനെ പാക് സൈന്യം പിടികൂടുകയായിരുന്നു. 58 മണിക്കൂറോളമാണ് വര്ധമാനെ പാക് സൈന്യം പിടിച്ചുവെച്ചത്.
അഫ്ഗാനിസ്ഥാന്റെ അതിര്ത്തി പ്രദേശമായ തെക്കന് വസീരിസ്ഥാനില് താലിബാനുമായി പാക് സൈന്യം നടത്തിയ ആക്രമണത്തിലായിരുന്നു സംഭവം. മേജര് സയ്യീദ് മോയിസിന്റെ സംസ്കാര ചടങ്ങുകളില് പാക് സൈനിക മേധാവി ഫീല്ഡ് മാര്ഷല് അസിം മുനീര് പങ്കെടുത്തതായി പാകിസ്താന് സൈന്യത്തിന്റെ മീഡിയ വിഭാഗമായ ഇന്റര് സര്വീസസ് പബ്ലിക് റിലേഷന്സിനെ ഉദ്ധരിച്ചാണ് ദേശീയ മാധ്യമങ്ങള് ഇക്കാര്യം റിപ്പോര്ട്ട് ചെയ്തിരിക്കുന്നത്. താലിബാന്റെ 11 തീവ്രവാദികളും കൊല്ലപ്പെട്ടതായി പാകിസ്താന് അവകാശപ്പെടുന്നു.
LATEST NEWS
- രാജ്യത്ത് പോലീസ് കസ്റ്റഡി മരണങ്ങളിൽ വൻ വർധന; ഈ വർഷം 170 മരണങ്ങൾ റിപ്പോർട്ട് ചെയ്തു
- 'അമിത ആവേശം വേണ്ട, പ്രസംഗം നിര്ത്തും': വണ്ടിപ്പെരിയാറിലും പ്രവര്ത്തകരുടെ ആവേശം മുഖ്യമന്ത്രി ശാസിച്ച് നിര്ത്തി
- സിപിഐഎം പ്രതിരോധത്തിലാക്കി അടൂര് സഹകരണ ബാങ്ക് തട്ടിപ്പും: ഏരിയാകമ്മറ്റിയംഗമായ മുന് പ്രസിഡന്റിനെതിരേ നിലവിലെ പ്രസിഡന്റ്
- പകൽ മുഴുവൻ ഫോൺ വിളിച്ചിട്ട് എടുക്കാത്ത ദേഷ്യത്തിന് ഭാര്യയെ ഭർത്താവ് മക്കളുടെ മുന്നിലിട്ട് തല്ലിക്കൊന്നു
- ട്വന്റിട്വന്റി ബിജെപിയ്ക്കൊപ്പം പോയത് തിരിച്ചടിയല്ല ; തീരുമാനത്തില് ന്യൂനപക്ഷങ്ങള്ക്ക് അതൃപ്തിയില്ലെന്ന് സാബുജോര്ജ്
