വയനാട് മെഡിക്കൽ കോളേജിൽ കുട്ടികളുടെ വാർഡ് അടച്ചിട്ട നിലയിൽ; വിചിത്ര വാദമായി സൂപ്രണ്ട്

photo; representative image

മാനന്തവാടി: വയനാട് മെഡിക്കൽ കോളേജ് ആശുപത്രിയിൽ കുട്ടികളുടെ വാർഡ് അടച്ചിട്ട നിലയിൽ. കഴിഞ്ഞ ഒരു മാസത്തിലധികമായി പീഡിയാട്രിക് വിഭാഗത്തിൽ രോഗികളില്ല. വാർഡിൽ മാത്രം 26 ബെഡുകൾ ഒഴിഞ്ഞ് കിടക്കുകയാണ്. കട്ടികളുടെ വിഭാഗത്തിൽ ആകെയുള്ള 42 ബെഡുകളിലും രോഗികളില്ല.

രോ​ഗബാധിതരായ കുട്ടികൾ ഇല്ലാത്തതിനാലാണ് വാർഡുകൾ ഒഴിഞ്ഞു കിടക്കുന്നതെന്ന വിചിത്ര വാദമാണ് സൂപ്രണ്ട് ഉന്നയിക്കുന്നത്. നിലവിൽ മാനന്തവാടിയിലെ രണ്ട് സ്വകാര്യ ആശുപത്രികളിൽ പീഡിയാട്രിക് വിഭാ​ഗത്തിൽ പതിനേഴ് കുട്ടികൾ ചികിത്സയിലുണ്ട്. മാനന്തവാടി സെന്റ് ജോസഫ് ആശുപത്രിയിൽ ഒൻപത് കുട്ടികളും ജ്യോതി ആശുപത്രിയിൽ എട്ട് കുട്ടികളുമാണ് കിടത്തി ചികിത്സയിലുള്ളത്.