വിദേശകാര്യ പാര്ലമെന്ററി സമിതി ഇന്ന് യോഗം ചേരും ; ഓപ്പറേഷന് സിന്ദൂറിനെ കുറിച്ച് വിശദീകരിക്കും
ദില്ലി: ശശി തരൂര് അധ്യക്ഷനായ വിദേശകാര്യ പാര്ലമെന്ററി സമിതി ഇന്ന് യോഗം ചേരും. പഹല്ഗാം ഭീക്രരാക്രമണത്തെ തുടര്ന്ന് ഇന്ത്യയും പാകിസ്ഥാനും തമ്മിലുള്ള ബന്ധം വഷളായ സാഹചര്യത്തിലാണ് യോഗം. ഓപ്പറേഷന് സിന്ദൂറിനെ കുറിച്ച് വിശദീകരിക്കാനും പാക് ഭീകരത തുറന്നു കാട്ടാനുമായി വിദേശരാജ്യത്തേക്ക് സര്വകക്ഷി പ്രതിനിധി സംഘത്തെ അയ്ക്കാന് കേന്ദ്രസര്ക്കാര് നേരത്തേ തീരുമാനിച്ചിരുന്നു.
വിദേശകാര്യ സെക്രട്ടറി വിക്രം മിസ്രി നിലവിലെ സ്ഥിതിഗതി യോഗത്തില് വിശദീകരിക്കും. ഓപ്പറേഷന് സിന്ദൂര്, വെടിനിര്ത്തല് ധാരണ, പാകിസ്ഥാന് തുര്ക്കി, ചൈന എന്നീ രാജ്യങ്ങളുമായുളള നയതന്ത്രതലത്തില് വന്ന മാറ്റങ്ങളെല്ലാം മിസ്രി സമിതിയെ അറിയിക്കും. ഇരു രാജ്യങ്ങളും തമ്മിലുള്ള സംഘര്ഷത്തിന് പിന്നാലെ ഇരു രാജ്യങ്ങളും വെടിനിര്ത്തല് ഞായറാഴ്ചയ്ക്ക് ശേഷവും തുടര്ന്നു.
ഇന്നലെ രാത്രിക്കുശേഷവും അതിര്ത്തി മേഖലയില് വെടിവെയ്പ് ഉണ്ടായില്ല. വെടിനിര്ത്തല് ധാരണ ഇന്നലെ വരെയാണെന്ന് പാകിസ്ഥാന് അറിയിച്ചിരുന്നു. വെടിനിര്ത്തല് പാകിസ്ഥാന്റെ പെരുമാറ്റത്തിന് അനുസരിച്ചാകും തുടരുകയെന്ന് ഇന്ത്യ വ്യക്തമാക്കിയിരുന്നു. അതേസമയം, സിന്ധു നദീജല കരാറില് ഇന്ത്യ ഇതുവരെ ചര്ച്ചയ്ക്ക് തയ്യാറായിട്ടില്ല. നദീജല കരാറില് ചര്ച്ച നടത്തണമെന്ന് പാകിസ്ഥാന് ആവശ്യപ്പെട്ടിരുന്നു.
LATEST NEWS
- വീട്ടമ്മമാര്ക്ക് പച്ചക്കറി വാങ്ങാന് പ്രതിമാസം 1500 രൂപ : അക്ഷയ കാര്ഡ് പ്രഖ്യാപനവുമായി ബിജെപിയും ശോഭാ സുരേന്ദ്രനും
- നിയമസഭാ തെരഞ്ഞെടുപ്പ്: മുഖ്യമന്ത്രി പിണറായി വിജയനടക്കം പ്രമുഖ സ്ഥാനാര്ത്ഥികള്ക്ക് അപരന്മാര്
- നാമനിര്ദേശപത്രികളുടെ സൂഷ്മ പരിശോധന ഇന്ന് ; ആകെ സ്ഥാനാര്ഥികള് 1252, പത്രികകള് 2117
- രാഷ്ട്രീയപാര്ട്ടികള്ക്കുള്ള കത്തില് പാര്ട്ടിസീല് ; ഉദ്യോഗസ്ഥനെതതിരേ നടപടിയെടുത്ത് തെരഞ്ഞെടുപ്പ് കമ്മീഷന്
- മൂന്നാറില് കാര് ആക്രമിച്ച് പടയപ്പ; മുള്മുനയില് സഞ്ചാരികള്
