അനധികൃത സ്വത്ത് സമ്പാദന പരാതി ; കെ എം എബ്രഹാമിനെതിരെ സിബിഐ കേസ് എടുത്തു
കൊച്ചി: അനധികൃത സ്വത്ത് സമ്പാദന പരാതിയില് മുഖ്യമന്ത്രിയുടെ ചീഫ് പ്രിന്സിപ്പല് സെക്രട്ടറി കെ എം എബ്രഹാമിനെതിരെ സിബിഐ കേസെടുത്തു. ഹൈക്കോടതി ഉത്തരവ് പ്രകാരമാണ് നടപടി. മനുഷ്യാവകാശപ്രവര്ത്തകന് ജോമോന് പുത്തന്പുരയ്ക്കല് നല്കിയ ഹര്ജിയിലാണ് കെ എം എബ്രഹാമിനെതിരെ സിബിഐ അന്വേഷണത്തിന് ഹൈക്കോടതി ഉത്തരവിട്ടത്.
അഴിമതി നിരോധന നിയമത്തിലെ വകുപ്പ് പ്രകാരമാണ് കേസ്. പരാതിക്കാരന്റെ മൊഴി, വിജിലന്സ് നടത്തിയ പ്രാഥമികാന്വേഷണ റിപ്പോര്ട്ട്, മറ്റ് സുപ്രധാന രേഖകള് എന്നിവയുടെ അടിസ്ഥാനത്തില് കേസ് രജിസ്റ്റര് ചെയ്യാനാണ് നിര്ദ്ദേശം. മുംബൈയിലെ 3 കോടി വിലയുള്ള അപ്പാര്ട്ട്മെന്റ്, തിരുവനന്തപുരത്തെ ഒരു കോടിയുടെ അപ്പാര്ട്ട്മെന്റ്, കൊല്ലം കടപ്പാക്കടയിലെ 8 കോടി വിലയുളള ഷോപ്പിംഗ് കോംപ്ലക്സ് അടക്കം കെ.എം എബ്രഹാം സമ്പാദിച്ച ആസ്തികള് വരവില് കവിഞ്ഞ സ്വത്താണ് എന്നാണ് ആരോപണം.
ജസ്റ്റിസ് കെ ബാബുവിന്റേതാണ് ഉത്തരവ്. സിബിഐ കൊച്ചി യൂണിറ്റ് സൂപ്രണ്ടിനാണ് അന്വേഷണത്തിനുള്ള നിര്ദ്ദേശം നല്കിയിരിക്കുന്നത്. ബന്ധപ്പെട്ട മുഴുവന് രേഖകളും എത്രയും വേഗം സിബിഐക്ക് വിജിലന്സ് കൈമാറണമെന്നും ഉത്തരവില് പറയുന്നു. മുഖ്യമന്ത്രിയുടെ ചീഫ് പ്രിന്സിപ്പല് സെക്രട്ടറിയും കിഫ്ബി സിഇഒയും മുന് ചീഫ് സെക്രട്ടറിയുമാണ് കെ എം എബ്രഹാം.
LATEST NEWS
- ടുജി സ്പെക്ട്രം അഴിമതി പുറത്തുകൊണ്ടുവന്നതിന്റെ കലിപ്പ് ; 18 വര്ഷമായി കോണ്ഗ്രസ് പുറകേ നടക്കുന്നു, തൊടാനായിട്ടില്ല
- മലപ്പുറംത്ത് അമ്മയ്ക്കൊപ്പം ഉറങ്ങിക്കിടന്ന നവജാത ശിശുവിനെ മരിച്ച നിലയില് കണ്ടെത്തി
- ഹോർമൂസ് കടലിടുക്ക്; പുതിയ വ്യാപാര റൂട്ട് ശക്തിപ്പെടുത്താൻ സൗദിയും യുഎഇയും
- ജിംനേഷ്യത്തിന്റെയും ബ്യൂട്ടി സലൂണിന്റെയും മറവില് ലഹരിവില്പ്പന; മയക്കുമരുന്നുമായി യുവതി അറസ്റ്റില്
- 200 കോടിയുടെ വീട്...കോണ്ഗ്രസിന്റെ നുണക്കഥ ഏറ്റില്ല ; തടസ്സവാദങ്ങള് തള്ളി, രാജീവ് ചന്ദ്രശേഖറിന്റെ പത്രിക സ്വീകരിച്ചു
